|    May 27 Sat, 2017 6:18 am
FLASH NEWS

റോഡിലും നടപ്പാതയിലും വാഹനങ്ങള്‍ ; ചമ്രവട്ടം ജങ്ഷനില്‍ രക്ഷയില്ലാതെ യാത്രക്കാര്‍

Published : 12th February 2016 | Posted By: SMR

പൊന്നാനി: ജനത്തിരക്കേറിയ ചമ്രവട്ടം ജങ്ഷനില്‍ നടക്കാനിടമില്ലാതെ കാല്‍നടയാത്രക്കാര്‍ വലയുന്നു. റോഡരികുകള്‍ ഭൂരിഭാഗവും കൈയേറി നിര്‍ത്തിയിട്ടിരുന്ന വാഹനങ്ങള്‍ ഇപ്പോള്‍ നടപ്പാതകളിലും മണിക്കൂറുകളോളമാണ് നിര്‍ത്തിയിടുന്നത്. ഇത് മൂലം കാല്‍നടയാത്രക്കാര്‍ക്കുണ്ടാവുന്ന ബുദ്ധിമുട്ടുകള്‍ക്ക് പുറമേ ഗതാഗത് തടസ്സവും പതിവാണ്.
പൊന്നാനി അങ്ങാടി, എടപ്പാള്‍ റോഡുകളിലാണ് വാഹനങ്ങള്‍ അനധികൃതമായി നിര്‍ത്തിയിടുന്നത്. നോ പാര്‍ക്കിങ് എന്ന ബോര്‍ഡ് ഇവിടങ്ങളില്‍ സ്ഥാപിച്ചിട്ടുണ്ടെങ്കിലും ഇരുചക്രവാഹനങ്ങള്‍ നിരത്തിയിടുന്നതിന് യാതൊരു നിയന്ത്രണവുമില്ല .
ചമ്രവട്ടം കുറ്റിപ്പുറം പാത തുറന്ന് കൊടുത്തതോടെ വാഹനങ്ങളുടെ തിരക്കേറിയ ചമ്രവട്ടം ജങ്ഷനില്‍ ട്രാഫിക് സിഗ്‌നല്‍ കൂടി സ്ഥാപിച്ചതോടെ ഗതാഗത തടസ്സം വര്‍ധിക്കുകയാണ് ചെയ്തത്.
നടപ്പാതയുടെ അരികുകളിലും വാഹനങ്ങള്‍ നിര്‍ത്തിയിട്ടതിനാല്‍ റോഡിന്റെ നടുവിലൂടെ വേണം പലപ്പോഴും നടക്കാന്‍. പാര്‍ക്കിങ് നിരോധിച്ചിരിക്കുന്നുവെന്ന ബോര്‍ഡുകള്‍ക്ക് താഴെ വാഹനങ്ങള്‍ നിരത്തിയിട്ടിട്ടും പോലിസ് നപടിയെടുക്കുന്നില്ല.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day