|    May 24 Wed, 2017 9:51 am
FLASH NEWS

റെയില്‍വേ പരിഷ്‌കരണത്തിന് ഏഴ് ദൗത്യങ്ങള്‍

Published : 26th February 2016 | Posted By: SMR

ന്യൂഡല്‍ഹി: ഇന്ത്യന്‍ റെയില്‍വേയെ ‘അവതരണ്‍’ എന്ന 7 ദൗത്യങ്ങളിലൂടെ പരിഷ്‌കരിക്കാനുള്ള നിര്‍ദേശം റെയില്‍വേ മന്ത്രി സുരേഷ് പ്രഭു ബജറ്റില്‍ അവതരിപ്പിച്ചു.
ൗ 1. മിഷന്‍ 25 ടണ്‍: വര്‍ധിച്ച ചരക്കുനീക്കത്തിലൂടെ വരുമാനം കൂട്ടാനുള്ള പദ്ധതി. 2016-17ല്‍ 25 ടണ്‍ ആക്‌സില്‍-ലോഡ് വാഗണുകള്‍ ഉപയോഗിച്ച് 10 മുതല്‍ 20 ശതമാനം ലോഡിങ് നടത്തും. 2019-20 ആവുമ്പോള്‍ മൊത്തം ചരക്കുനീക്കത്തിന്റെ 70 ശതമാനവും ഹൈ ആക്‌സില്‍ ലോഡ് വാഗണുകള്‍ വഴിയാക്കും.
2.മിഷന്‍ സീറോ ആക്‌സിഡന്റ്: ഇതിന് രണ്ട് ഉപ പദ്ധതികളുണ്ട്.
(1) ആളില്ലാ ലെവല്‍ ക്രോസുകള്‍ ഇല്ലാതാക്കുക: ബ്രോഡ്‌ഗേജ് പാതകളിലെ എല്ലാ ആളില്ലാ ലെവല്‍ ക്രോസിങുകളും അടുത്ത 3-4 വര്‍ഷംകൊണ്ട് പൂര്‍ണമായും ഇല്ലാതാക്കും. നൂതനമായ ധനകാര്യ സംവിധാനങ്ങളിലൂടെയാവും ഇതു സാധ്യമാക്കുക.
ടിസിഎഎസ്: ട്രെയിനുകളുടെ കൂട്ടിയിടി ഒഴിവാക്കാനുള്ള സംവിധാനം. അടുത്ത മൂന്നുവര്‍ഷത്തിനകം ഏറ്റവുമധികം തിരക്കുള്ള റൂട്ടുകളില്‍ ഇത് ഏര്‍പ്പെടുത്തും.
3. മിഷന്‍ പേസ്: സംഭരണത്തിലെ ഗുണനിലവാരം മെച്ചപ്പെടുത്താന്‍ ലക്ഷ്യമിട്ട ഈ പദ്ധതിവഴി 2016-17 ല്‍ 1500 കോടി രൂപ ലാഭിക്കാന്‍ കഴിയുമെന്ന് പ്രതീക്ഷിക്കുന്നു.
4. മിഷന്‍ റഫ്ത്താര്‍: അടുത്ത 5 വര്‍ഷംകൊണ്ട് ചരക്ക് തീവണ്ടികളുടെ ശരാശരി വേഗം ഇരട്ടിയാക്കാനും സൂപ്പര്‍ ഫാസ്റ്റ്, മെയില്‍, എക്‌സ്പ്രസ് ട്രെയിനുകളുടേത് മണിക്കൂറില്‍ 25 കിമീ കണ്ട് വര്‍ധിപ്പിക്കാനും ലക്ഷ്യം.
5. മിഷന്‍ 100: സ്വകാര്യ ചരക്ക് ടെര്‍മിനലുകള്‍ ഉപയോഗിക്കുന്നതു സംബന്ധിച്ച നയം പരിഷ്‌കരിച്ച് കൂടുതല്‍ സ്വകാര്യ പങ്കാളിത്തം ഉറപ്പാക്കും. അടുത്ത രണ്ടുവര്‍ഷംകൊണ്ട് 100 റെയില്‍വേ ഗുഡ്‌സ് ഷെഡുകള്‍ സ്വകാര്യ പങ്കാളിത്തത്തോടെ നിര്‍മിക്കും.
6. മിഷന്‍ ബിയോണ്ട് ബുക്ക് കീപ്പിങ്: റെയില്‍വേയുടെ അക്കൗണ്ടിങ് കൂടുതല്‍ കാര്യക്ഷമമാക്കും.
7. മിഷന്‍ കപ്പാസിറ്റി യൂട്ടിലൈസേഷന്‍: 2019 ഓട് കൂടി കമ്മീഷന്‍ ചെയ്യുന്ന ഡല്‍ഹി-മുംബൈ, ഡല്‍ഹി-കൊല്‍ക്കത്ത ചരക്ക് ഇടനാഴികള്‍ വഴി ചരക്ക് നീക്കം പരമാവധിയാക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day