|    Jan 18 Wed, 2017 5:40 pm
FLASH NEWS

റുവാണ്ട: ഭരണഘടനാ ഭേദഗതിക്ക് അംഗീകാരം

Published : 20th December 2015 | Posted By: SMR

കിഗാലി: പ്രസിഡന്റ് പോള്‍ കഗാമിയുടെ ഓഫിസ് കാലാവധി നീട്ടുന്നതിനുള്ള ഭരണഘടനാ ഭേദഗതി റുവാണ്ടന്‍ ജനത അംഗീകരിച്ചതായി പ്രാഥമിക ജനഹിതപരിശോധനാഫലം. പ്രസിഡന്റ് പദവിയിലെ രണ്ടാമൂഴം അവസാനിക്കുന്ന 2017ല്‍ വീണ്ടും തിരഞ്ഞെടുപ്പില്‍ മല്‍സരിക്കുന്നതിന് അനുമതി നല്‍കുന്ന ഭരണഘടനാ ഭേദഗതിക്ക് 98 ശതമാനം വോട്ടര്‍മാരുടെ പിന്തുണ ലഭിച്ചതായി ദേശീയ തിരഞ്ഞെടുപ്പ് കമ്മീഷന്‍ അറിയിച്ചു. ഭേദഗതി പാസാവുകയാണെങ്കില്‍ 58കാരനായ കഗാമിക്ക് 2034 വരെ പ്രസിഡന്റ് പദവിയില്‍ തുടരാനാവും. യുഎസിന്റെയും പാശ്ചാത്യ രാജ്യങ്ങളുടെയും വിമര്‍ശനങ്ങള്‍ക്കിടെയാണ് ഭരണഘടനാ ഭേദഗതിയില്‍ ഹിതപരിശോധന നടന്നത്. 30 ജില്ലകളില്‍ ഫലം പുറത്തുവന്ന 21 ജില്ലകളിലും 70 ശതമാനം പേര്‍ വോട്ട് രേഖപ്പെടുത്തിയതായി തിരഞ്ഞെടുപ്പ് കമ്മീഷന്‍ അറിയിച്ചു.

Share on FacebookShare on Google+Tweet about this on TwitterShare on LinkedIn
(Visited 60 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക