|    Oct 21 Sat, 2017 10:41 am
Home   >  Todays Paper  >  page 9  >  

റിയോ ഒളിംപിക്‌സിന് സിക്കാ വൈറസ് ഭീഷണി

Published : 25th January 2016 | Posted By: SMR

റിയോ ഡി ജനയ്‌റോ: ആഗസ്തില്‍ നടക്കുന്ന റിയോ ഒളിംപിക്‌സിന് സിക്കാ വൈറസ് ഭീഷണി. ഒളിംപിക്‌സ് സമയത്തെ സിക്കാ വൈറസ് വ്യാപനം തടയുന്നതിന് നിരവധി പദ്ധതികളാണ് റിയോ ഡി ജനയ്‌റോ അധികൃതര്‍ സ്വീകരിച്ചിട്ടുള്ളത്.
ആഗസ്തിനു മുമ്പ് കാലാവസ്ഥയില്‍ മാറ്റമുണ്ടാകുന്നതിനാല്‍ സിക്കാ വൈറസിന് കാരണമായ കൊതുകുകളുടെ എണ്ണം വന്‍തോതില്‍ കുറയുമെന്നാണ് അധികൃതരുടെ വിലയിരുത്തല്‍. പ്രധാന സ്റ്റേഡിയങ്ങളില്‍ ദിനേന ശുചീകരണ പ്രവര്‍ത്തനങ്ങള്‍ നടത്തുന്നുണ്ട്.
പ്രധാന സ്‌റ്റേഡിയങ്ങളുടെയും പരിസര പ്രദേശങ്ങളുടെയും ശുചീകരണ പ്രവര്‍ത്തനങ്ങള്‍ ഏപ്രിലില്‍ അധികൃതര്‍ വിലയിരുത്തും. മുന്‍കരുതല്‍ നടപടികളില്‍ ആവശ്യമായ മാറ്റം വരുത്തും. തുടര്‍ന്നുള്ള മാസങ്ങളില്‍ അതീവ ജാഗ്രത പുലര്‍ത്തും.
സിക്കാ വൈറസ് ബാധയെ തുടര്‍ന്ന് ബ്രസീലില്‍ ഏകദേശം 40,000 നവജാതശിശുക്കളാണ് തലച്ചോറിന് വൈകല്യമായി ജനിച്ചത്. ഏറ്റവും കൂടുതല്‍ വൈറസ് ബാധ കണ്ടെത്തിയ സംസ്ഥാനത്തെ സ്ത്രീകളോട് രണ്ടു വര്‍ഷത്തേക്ക് ഗര്‍ഭധാരണം ഒഴിവാക്കാന്‍ സര്‍ക്കാര്‍ അഭ്യര്‍ഥിച്ചിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക