|    Dec 19 Wed, 2018 4:53 pm
FLASH NEWS
Home   >  Todays Paper  >  Page 4  >  

റാന്‍സംവെയര്‍ ആക്രമണം: മുന്‍കരുതലെടുക്കണം

Published : 30th December 2017 | Posted By: kasim kzm

തിരുവനന്തപുരം: കംപ്യൂട്ടറുകള്‍ക്ക് ഭീഷണി ഉയര്‍ത്തുന്ന റാന്‍സംവെയര്‍ ആക്രമണങ്ങളെ കരുതിയിരിക്കണമെന്ന് കേ രള പോലിസ് ഹൈടെക് സെല്ലും സൈബര്‍ഡോമും മുന്നറിയിപ്പ് നല്‍കി. തിരുവനന്തപുരം ഡിസ്ട്രിക്റ്റ് മെര്‍ക്കന്റൈല്‍ കോ-ഓപറേറ്റീവ് സൊസൈറ്റിയുടെ സര്‍വറിലുണ്ടായ പുതിയ റാന്‍സംവെയര്‍ ആക്രമണത്തെ തുടര്‍ന്നാണ് ഈ മുന്നറിയിപ്പ്. നിയമവിരുദ്ധമായ രീതിയിലൂടെ ഫണ്ട് ഓണ്‍ലൈനായി ശേഖരിക്കാന്‍ വികസിപ്പിച്ച ംീൃസൗു@ശിറശമ.രീാ ആണ് പുതിയ റാന്‍സംവെയര്‍. അഋട, ഞടഅ എന്‍ക്രിപ്ഷന്‍ അല്‍ഗോരിതങ്ങളാണ് ഹാര്‍ഡ്‌ഡ്രൈവിനെ  എന്‍ക്രിപ്റ്റ് ചെയ്യുന്നതിനായി ഈ റാന്‍സം വെയറില്‍ ഉപയോഗിച്ചിട്ടുള്ളത്. തുടര്‍ന്ന് എ ന്‍ക്രിപ്റ്റ് ചെയ്യപ്പെട്ട ഡാറ്റ അണ്‍ലോക്ക് ചെയ്യുന്നതിനുള്ള കീ വാങ്ങാന്‍ ംീൃസൗു@ശിറശമ.രീാ ആവശ്യപ്പെടും. ഈ റാന്‍സംവെയര്‍ സാധാരണയായി ജാവാസ്‌ക്രിപ്റ്റ് ടൂളുകള്‍, എക്‌സ്‌പ്ലോയിറ്റ് കിറ്റുകള്‍, സ്പാം ഇ-മെയിലുകള്‍, വ്യാജ പോപ്—അപ്പുകള്‍, സോഫ്റ്റ്‌വെയര്‍ അപ്‌ഡേറ്റുകള്‍, ഷെയ ര്‍വെയര്‍, അശ്ലീല സൈറ്റുകള്‍, ടോറന്റ് സൈറ്റുകള്‍, വ്യാജ വെബ്‌സൈറ്റുകള്‍ എന്നിവയിലൂടെയാണ് വ്യാപിക്കുന്നത്. തിരുവനന്തപുരം ഡിസ്ട്രിക്റ്റ് മെര്‍ക്കന്റൈല്‍ കോ-ഓപറേറ്റീവ് സൊസൈറ്റി ലിമിറ്റഡിന്റെ സര്‍വറില്‍ ഇന്‍സ്റ്റാള്‍ ചെയ്തിരിക്കുന്ന അഡോബ് ഫഌഷ് പ്ലെയര്‍ പ്ലഗ്-ഇന്‍ അപ്‌ഡേറ്റിലൂടെയാണ് റാന്‍സംവെയര്‍ ആക്രമണം നടത്തിയത്. ഇതുമായി ബന്ധപ്പെട്ട അന്വേഷണം കേരള പോലിസിന്റെ സൈബര്‍ വിങ് നടത്തിവരികയാണ്. പൈറേറ്റഡ് ഓപറേറ്റിങ് സിസ്റ്റം ഒഴിവാക്കുക,  പ്രതിദിന പ്രവര്‍ത്തനങ്ങള്‍ക്ക് ഒരു ഗസ്റ്റ് യൂസര്‍ അധികാരം ഉപയോക്താവിന് നല്‍കുക, ഇ ന്റര്‍നെറ്റ് ഉപയോഗ നയവും സിസ്റ്റം പോളിസിയും പാലിച്ചാല്‍ ഇത്തരം സൈബര്‍ ആക്രമണങ്ങള്‍ തടയാനാവുമെന്നും പോലിസ് അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss