|    Sep 25 Mon, 2017 8:08 am
FLASH NEWS

റാന്നിയില്‍ കലുങ്കിന് പകരം പുതിയ പാലം നിര്‍മിക്കാന്‍ 19 ലക്ഷം അനുവദിച്ചു

Published : 19th June 2017 | Posted By: fsq

 

റാന്നി: പഴവങ്ങാടി പഞ്ചായത്തിലെ ചെത്തോംകര- മുക്കാലുണ്‍ റോഡില്‍  ബലക്ഷയം സംഭവിച്ച കലുങ്കിന് പകരം പുതിയ പാലം നിര്‍മ്മിക്കാന്‍ അനുമതിയായതായി രാജു ഏബ്രഹാം എംഎല്‍എ അറിയിച്ചു. ഇതിനായി 19 ലക്ഷം രൂപയുടെ ഭരണാനുമതി ലഭിച്ചു. ചൊത്തോംകരയില്‍ നിന്നാരംഭിച്ച്  ഇട്ടിയപ്പാറ- അമ്മച്ചിക്കാട് രോഡിലെ മുക്കാലുമണ്ണില്‍ എത്തിച്ചേരുന്ന റോഡാണ് ഇത്. ഇതിലൂടെ വലിയകുളം, മോതിരവയല്‍, വടശേരിക്കര, നാറാണംമൂഴി, പെരുനാട് താലൂക്കിലെ പ്രധാന ജനവാസ കേന്ദ്രങ്ങളേയും ഈ റോഡ് ബന്ധപ്പെടുത്തുന്നു. ശബരിമല സീസണ്‍ സമയത്ത് ചൊത്തോംകരയില്‍ നിന്നും പമ്പയ്ക്കുള്ള അനുബന്ധ റോഡായും ഇത് ഉപയോഗിക്കുന്നു.   പുനലൂര്‍-മൂവാറ്റുപുഴ സംസ്ഥാന പാതയില്‍ ചെത്തോകരയ്ക്കും ഇട്ടിയപ്പാറയ്ക്കും ഇടയില്‍ ഗതാഗത തടസ്സം ഉണ്ടായാല്‍ വാഹനങ്ങള്‍ തിരിച്ചുവിടുന്നതിനായി  ഉപയോഗിച്ചുവന്ന പാരലല്‍ റോഡായിരുന്നു  ഇത്. എന്നാല്‍ കലുങ്കിന് ബലക്ഷയം ഉണ്ടെന്നു കാട്ടി അധികൃതര്‍ ഇതിലേയുള്ള ഭാരം വഹിച്ചുള്ള വലിയ വാഹനങ്ങളുടെ ഗതാഗതം നിരോധിച്ചതോടെ ഗതാഗതസ്തംഭനം  ഉണ്ടായാല്‍ വാഹനങ്ങള്‍ അഞ്ചുകുഴി വഴി കിലോമീറ്ററുകള്‍ ചുറ്റി സഞ്ചരിച്ചാണ് ഇട്ടിയപ്പാറയില്‍ എത്തുന്നത്. പാലം പൂര്‍ത്തിയാവുന്നതോടെ ഇതിന് പരിഹാരമാകും. ആറ് മീറ്റര്‍ വീതിയില്‍ നിര്‍മിക്കുന്ന പാലത്തില്‍ ഇരുവരി ഗതാഗതം സാധ്യമാവും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക