|    Sep 26 Wed, 2018 10:54 am
FLASH NEWS
Home   >  Todays Paper  >  page 9  >  

റസാന്റെ വഴിയെ മാതാവും ആതുരശുശ്രൂഷയിലേക്ക്

Published : 10th June 2018 | Posted By: kasim kzm

ഗസ സിറ്റി: പ്രതിഷേധ മാര്‍ച്ചില്‍ പരിക്കേറ്റവരെ പരിചരിക്കുന്നതിനിടെ ഇസ്രായേല്‍ സൈന്യം വെടിവച്ചു കൊലപ്പെടുത്തിയ ഫലസ്തീന്‍ മാലാഖയുടെ മാതാവും ആതുര ശുശ്രൂഷാരംഗത്തേക്ക്.
ഗസ അതിര്‍ത്തിയില്‍ ആതുരശുശ്രൂഷ നടത്തുന്നതിടെ വെടിയേറ്റു മരിച്ച 21കാരി റസാന്‍ അല്‍ നജ്ജാറിന്റെ മാതാവ് സബ്രീന്‍ അല്‍ നജ്ജാര്‍ കഴിഞ്ഞ ദിവസമാണ് സന്നദ്ധ സംഘത്തില്‍ മെഡിക്കല്‍ വോളന്റിയറായി ചേര്‍ന്നത്.  ഗസയില്‍ ഇസ്രായേലിനെതിരേയുള്ള പ്രതിഷേധത്തിനിടെ പരിക്കേറ്റവരെ പരിചരിക്കുന്ന ഫലസ്തീന്‍ മെഡിക്കല്‍ റിലീഫ് സൊസൈറ്റിയുടെ ഭാഗമായാണ് സബ്രീനും കര്‍മനിരതയാവുന്നത്.
റസാന്‍ കൊല്ലപ്പെട്ട സമയത്ത് ധരിച്ച രക്തംകലര്‍ന്ന ഓവര്‍കോട്ട് ധരിച്ചാണ് സബ്രീന്‍ കഴിഞ്ഞ ദിവസം യുദ്ധഭൂമിയിലേക്കിറങ്ങിയത്.
വെള്ളിയാഴ്ച ഗസയില്‍ നടന്ന ഗ്രേറ്റ് റിട്ടേണ്‍ മാര്‍ച്ചിലും സബ്രീന്‍ പങ്കെടുത്തിരുന്നു. ഗ്രേറ്റ് മാര്‍ച്ച് 11ാമത്തെ ആഴ്ചയിലേക്കു കടക്കുമ്പോഴും ആയിരങ്ങളാണ് കഴിഞ്ഞ ദിവസവും മാര്‍ച്ചില്‍ പങ്കെടുത്തത്. കഴിഞ്ഞ വെള്ളിയാഴ്ചയാണ് ഇസ്രായേല്‍ സൈന്യത്തിന്റെ വെടിയേറ്റ് റസാന്‍ കൊല്ലപ്പെടുന്നത്. പരിക്കേറ്റവരെ പരിചരിക്കുന്നതിനിടെ റസാന്റെ നെഞ്ചിലേക്ക് ഇസ്രായേല്‍ സൈന്യം വെടിയുതിര്‍ക്കുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss