|    Aug 20 Mon, 2018 2:20 am
FLASH NEWS
Home   >  Todays Paper  >  page 9  >  

റഷ്യയുടെ ഹൈപ്പര്‍ സോണിക് മിസൈല്‍ രഹസ്യം ചോര്‍ന്നു

Published : 21st July 2018 | Posted By: kasim kzm

മോസ്‌കോ: അണ്വായുധങ്ങള്‍ വഹിക്കാന്‍ ശേഷിയുള്ള അത്യാധുനിക ഹൈപ്പര്‍സോണിക് മിസൈല്‍ നിര്‍മാണ രഹസ്യം പടിഞ്ഞാറന്‍ നാടുകളിലേക്കു ചോര്‍ന്നതായി റഷ്യന്‍ സുരക്ഷാ ഏജന്‍സിയായ എഫ്എസ്ബി സംശയം പ്രകടിപ്പിച്ചു. ഇതിനെ തുടര്‍ന്ന് റഷ്യന്‍ ബഹിരാകാശ ഏജന്‍സിയായ റോക്‌സോമോസിന്റെ അവാന്തര വിഭാഗമായ തസ്‌നിമാഷിലെ ഉന്നത ശാസ്ത്രജ്ഞന്റെ വസതിയില്‍ അന്വേഷണസംഘം പരിശോധന നടത്തി. തസ്‌നിമാഷിലെ 10 ശാസ്ത്രജ്ഞര്‍ വിഷയത്തില്‍ സംശയത്തിന്റെ നിഴലിലാണ്. ചൊവ്വാഴ്ചയാണ് പുതിയ ഹൈപ്പര്‍സോണിക് മിസൈലിന്റെ വീഡിയോ റഷ്യ പ്രദര്‍ശിപ്പിച്ചത്. ഇതിന്റെ അടുത്തദിവസം തന്നെ നിര്‍മാണ രഹസ്യം ചോര്‍ന്നുവെന്നാണ് എഫ്എസ്ബി സംശയം പ്രകടിപ്പിക്കുന്നത്. അണ്വായുധങ്ങളുമായി മണിക്കൂറില്‍ 12,000 കിലോമീറ്റര്‍ വേഗതയില്‍ കുതിക്കാന്‍ ശേഷിയുള്ളതാണ് റഷ്യ രൂപംനല്‍കിയ പുതിയ ഹൈപ്പര്‍സോണിക് മിസൈല്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss