|    May 29 Mon, 2017 3:53 am
FLASH NEWS

റഷ്യന്‍ വിമാനദുരന്തം: മരിച്ചവരുടെ മാതാപിതാക്കളുടെ രക്തസാമ്പിളുകള്‍ അയച്ചു

Published : 22nd March 2016 | Posted By: SMR

പെരുമ്പാവൂര്‍: റഷ്യയില്‍ വിമാനം തകര്‍ന്ന് മരിച്ച പെരുമ്പാവൂര്‍ സ്വദേശികള്‍ വെങ്ങോല ബഥനികുരിശിനു സമീപം ചാമക്കാലായില്‍ മോഹനന്റെ മകന്‍ ശ്യാം മോഹന്‍ (27), ഭാര്യ അഞ്ജു(27) എന്നിവരുടെ മൃതദേഹം ഡിഎന്‍എ പരിശോധന നടത്തി തിരിച്ചറിയാനുള്ള നടപടികള്‍ ആരംഭിച്ചു.
ഇതിന്റെ ഭാഗമായി ഇവരുടെ മാതാപിതാക്കളുടെ രക്തസാംപിളുകള്‍ ഡല്‍ഹിയിലെത്തിച്ചു. എറണാകുളത്ത് നിന്നു രക്ത സാമ്പിളുകളുമായി പുറപ്പെട്ട എറണാകുളം ഹെല്‍ത്ത് ഇന്‍സ്‌പെക്ടര്‍ ബി ശ്രീനിവാസന്‍, ജൂനിയര്‍ ഇന്‍സ്‌പെക്ടര്‍ എം ഐ സിറാജ് എന്നിവര്‍ രാവിലെ 9.30ന് കേരള ഹൗസിലെത്തി കേരള ഹൗസ് റസിഡന്റ് കമ്മീഷണര്‍ ഗ്യാനേഷ് കുമാറിന് രക്ത സാമ്പിളുകള്‍ കൈമാറി. ഇതുമായി ബന്ധപ്പെട്ട നടപടികള്‍ പൂര്‍ത്തിയാക്കിയ ശേഷം സാംപിളുകള്‍ വൈകീട്ടോടെ വിമാനത്തില്‍ റഷ്യയിലേക്ക് അയച്ചു. ശ്യാമിന്റെ പിതാവ്, മാതാവ്, അഞ്ജുവിന്റെ അമ്മ, സഹോദരന്‍ എന്നിവരുടെ സാംപിളുകളാണ് അയച്ചത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day