|    Oct 17 Wed, 2018 11:33 pm
FLASH NEWS
Home   >  Todays Paper  >  page 9  >  

വ്യാജ ജേണലിസ്റ്റ്; ഇന്ത്യക്കാരന്‍ അറസ്റ്റില്‍

Published : 30th March 2018 | Posted By: kasim kzm

സിഡ്‌നി:  വ്യാജ മാധ്യമപ്രവര്‍ത്തകരെ ആസ്‌ത്രേലിയയിലേക്ക് കടത്തിയെന്ന കേസില്‍ ഇന്ത്യക്കാരനെതിരേ കുറ്റം ചുമത്തി. മാധ്യമപ്രവര്‍ത്തകനായ രാകേഷ് കുമാര്‍ ശര്‍മയ്‌ക്കെതിരേയാണ് 1958ലെ കുടിയേറ്റ നിയമപ്രകാരം ബ്രിസ്‌ബെയ്ന്‍ കോടതി കുറ്റം ചുമത്തിയത്. കോമണ്‍വെല്‍ത്ത് ഗെയിംസ് റിപോര്‍ട്ട് ചെയ്യാനെന്ന പേരില്‍ ആസ്‌ത്രേലിയയിലെ ബ്രിസ്‌ബെയ്‌നിലെത്തിയ എട്ട് ഇന്ത്യക്കാരടങ്ങുന്ന സംഘത്തിന് ശര്‍മ സഹായം നല്‍കിയതായി പോലിസ് പറയുന്നു.
ബാങ്കോക്ക് വഴി ബ്രിസ്‌ബെയ്‌നിലെത്തിയ ശര്‍മയെയും മറ്റ് എട്ടു പേരെയും കഴിഞ്ഞ ദിവസം വിമാനത്താവളത്തില്‍ നിന്നാണ് കസ്റ്റഡിയിലെടുത്തത്. ഈ മാധ്യമപ്രവര്‍ത്തകരുടെ അക്രഡിറ്റേഷന്‍ വ്യാജമാണെന്നു കണ്ടെത്തിയതായി പോലിസ് ഉദ്യോഗസ്ഥര്‍ പറഞ്ഞു. അടുത്ത ആഴ്ചയാണ് ആസ്‌ത്രേലിയയിലെ ഗോള്‍ഡ് കോസ്റ്റില്‍ കോമണ്‍വെല്‍ത്ത് ഗെയിംസ് ആരംഭിക്കുന്നത്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss