|    May 23 Tue, 2017 3:13 am
FLASH NEWS

റമദാന്‍ വ്രതാനുഷ്ടാനങ്ങള്‍ക്കു തുടക്കമായി; വിശ്വാസികള്‍ ആത്മസംസ്‌കരണത്തില്‍

Published : 6th June 2016 | Posted By: SMR

എന്‍ പി അബ്ദുല്‍ അസീസ്

ചങ്ങനാശ്ശേരി: ദൈവാനുഗ്രഹങ്ങളുടെ പെരുമഴക്കാലമായ പരിശുദ്ധ റമദാന്‍ വ്രതാനുഷ്ടാനങ്ങള്‍ക്കു തുടക്കമായി. ഇതോടെ വിശ്വാസികള്‍ ആത്മസംസ്‌കരണത്തിനുള്ള തയ്യാറെടുപ്പിലായി. ശഅ്ബാന്റെ അസ്തമയത്തില്‍ റമദാന്‍ മാസപ്പിറവി മാനത്ത് ദൃശ്യമായതോടെ ഭക്തിസാന്ദ്രമായ അന്തരീക്ഷത്തില്‍ വരാനിരിക്കുന്ന 30 ദിനരാത്രങ്ങള്‍ പള്ളികളും ഭവനങ്ങളുമെല്ലാം സദാപ്രാര്‍ഥനാ നിര്‍ഭരമാവും. അഞ്ചു നേരങ്ങളിലെ നമസ്‌കാരങ്ങള്‍ക്കും പള്ളികളില്‍ അനുഭവപ്പെടുന്ന വന്‍തിരക്കു മുന്നില്‍ക്കണ്ട് കൂടുതല്‍പേരെ ഉള്‍ക്കൊള്ളാന്‍ പാകത്തില്‍ പള്ളിക്കകത്തും പുറത്തും കൂടുതല്‍ സൗകര്യങ്ങള്‍ ഒരുക്കിക്കഴിഞ്ഞു.
തറാവീഹ്, തഹജ്ജുദ് നമസ്‌കാരങ്ങള്‍ക്കും മറ്റുപ്രത്യേക പ്രാര്‍ഥനകള്‍ക്കുമായി ആയിരങ്ങളാവും എത്തുക. തറാവീഹ് നമസ്‌കാരങ്ങള്‍ക്ക് സ്ത്രീകള്‍ക്കു പങ്കെടുക്കാനും പളളികളില്‍ പ്രത്യേക സൗകര്യങ്ങളും ഒരുക്കിയിട്ടുണ്ട്.
താലൂക്കിലെ പ്രധാന പള്ളികളായ ചങ്ങനാശ്ശേരി പഴയപള്ളി, പുതൂര്‍പ്പള്ളി, പായിപ്പാട് മുസ്‌ലിം ജമാഅത്ത് പള്ളി, തെങ്ങണാ,വടക്കേക്കര,പത്തനാട തുടങ്ങിയ സ്ഥലങ്ങളിലെ ജമാഅത്തു പള്ളികളിലും പരിശുദ്ധ റംസാനെ വരവേല്‍ക്കുവാനും വിശ്വാസികള്‍ക്കു നമസ്‌ക്കാരത്തിനും നോമ്പുതുറക്കുമായി വിപുലമായ സംവിധാനങ്ങളാണ് ഒരുക്കിയിട്ടുള്ളത്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day