|    Jun 20 Wed, 2018 9:03 pm
FLASH NEWS
Home   >  Todays Paper  >  page 9  >  

റഖൈന്‍ കൂട്ടക്കൊലയ്ക്ക് തെളിവുമായി റോയിറ്റേഴ്‌സ് റിപോര്‍ട്ട്‌

Published : 10th February 2018 | Posted By: kasim kzm

നാപിഡോ: റഖൈന്‍ സംസ്ഥാനത്തെ ഇന്‍ദിന് ഗ്രാമത്തിലെ റോഹിന്‍ഗ്യന്‍ കൂട്ടക്കൊലയ്ക്ക് തെളിവുമായി വാര്‍ത്താ ഏജന്‍സിയായ റോയിറ്റേഴ്‌സിന്റെ റിപോര്‍ട്ട്. കഴിഞ്ഞ വര്‍ഷം സപ്തംബറില്‍ 10 റോഹിന്‍ഗ്യരെ ബുദ്ധമതക്കാരായ നാട്ടുകാര്‍ കൂട്ടക്കൊല ചെയ്തതുമായി ബന്ധപ്പെട്ടാണ് റിപോര്‍ട്ട്. വാര്‍ത്തയുടെ അടിസ്ഥാനത്തില്‍ മ്യാന്‍മറില്‍ റോഹിന്‍ഗ്യര്‍ക്കെതിരായി നടക്കുന്ന അതിക്രമങ്ങളില്‍ സ്വതന്ത്ര അന്വേഷണം വേണമെന്നു യുഎസ് സ്‌റ്റേറ്റ് ഡിപ്പാര്‍ട്ട്‌മെന്റ് ആവശ്യപ്പെട്ടു. വെടിവച്ചോ വെട്ടിയോ ആണ് ബുദ്ധമതക്കാര്‍ റോഹിന്‍ഗ്യന്‍ പുരുഷന്‍മാരെ കൊലപ്പെടുത്തിയത്. കൊല്ലപ്പെട്ടവരെ കൂട്ടക്കുഴിമാടത്തിലടക്കം ചെയ്തതായും  റിപോര്‍ട്ടില്‍ പറയുന്നു. സ്വതന്ത്രമായ അന്വേഷണത്തോട് മ്യാന്‍മര്‍ അധികൃതര്‍ സഹകരിക്കാന്‍ അടിയന്തരമായി തയ്യാറാവണമെന്നു യുഎസ് സ്റ്റേറ്റ് ഡിപ്പാര്‍ട്ട്‌മെന്റ് വക്താവ് ഹെതര്‍ നോവര്‍ട്ട് ആവശ്യപ്പെട്ടു. മനുഷ്യാവകാശ ലംഘനങ്ങള്‍ക്കും ആക്രമണങ്ങള്‍ക്കും പീഡനങ്ങള്‍ക്കും ഉത്തരവാദികളായവരെ തിരിച്ചറിയാനും നീതിക്കായുള്ള ശ്രമങ്ങള്‍ക്കും സ്വതന്ത്ര അന്വേഷണം അനിവാര്യമാണെന്നും നോവര്‍ട്ട് വ്യക്തമാക്കി. റോഹിന്‍ഗ്യന്‍ വീടുകള്‍ ചുട്ടെരിച്ചതായും കൊല്ലപ്പെട്ട റോഹിന്‍ഗ്യരെക്കുറിച്ചും ബുദ്ധമതക്കാര്‍ കുറ്റസമ്മതം നടത്തിയതിന്റെ വിവരങ്ങള്‍  റിപോര്‍ട്ടിലുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss