|    Jan 18 Wed, 2017 11:43 am
FLASH NEWS

രോഹിതിന്റെ മരണത്തില്‍ വേദനയെന്ന് മോദി

Published : 23rd January 2016 | Posted By: SMR

ലഖ്‌നോ: രോഹിത് ആത്മഹത്യചെയ്ത സംഭവത്തില്‍ പ്രധാനമന്ത്രി മോദി ദുഃഖം പ്രകടിപ്പിച്ചു. ലഖ്‌നോയില്‍ ബി ആര്‍ അംബേദ്കര്‍ സര്‍വകലാശാലയിലെ ബിരുദദാന ചടങ്ങില്‍ മുഖ്യാതിഥിയായി പങ്കെടുത്ത് സംസാരിക്കവെയാണ് മോദി രോഹിതിന്റെ മരണത്തെ പരാമര്‍ശിച്ചത്.
എന്റെ രാജ്യത്തെ ഒരു യുവാവ് ആത്മഹത്യചെയ്‌തെന്ന വാര്‍ത്ത കേട്ടു. ഭാരതമാതാവിന് ഒരു മകനെ നഷ്ടപ്പെട്ടു. ആത്മഹത്യക്കു പിന്നില്‍ പല കാരണങ്ങളുണ്ടാവാം. അതു രാഷ്ട്രീയവുമാവാം. ആത്യന്തികമായി ഒരമ്മയ്ക്ക് മകനെ നഷ്ടപ്പെട്ടുവെന്നതാണ് വാസ്തവം. ഇതില്‍ തനിക്കും വളരെ വേദനയുണ്ട്- മോദി പറഞ്ഞു.
എന്നാല്‍, രോഹിതിന്റെ ആത്മഹത്യക്ക് പിന്നിലെ രാഷ്ട്രീയം എന്തെന്ന് പ്രധാനമന്ത്രി വെളിപ്പെടുത്തിയില്ല. ഇതിനിടെ സദസ്സില്‍നിന്ന് രണ്ടു വിദ്യാര്‍ഥികള്‍ മോദിക്കെതിരേ മുദ്രാവാക്യം വിളിക്കുകയും പ്രധാനമന്ത്രി തിരിച്ചുപോവണമെന്ന് ആവശ്യപ്പെടുകയും ചെയ്തു. ഇവരെ പോലിസ് അറസ്റ്റ് ചെയ്തു.

Share on FacebookShare on Google+Tweet about this on TwitterShare on LinkedIn
(Visited 68 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക