|    May 21 Mon, 2018 8:47 pm
FLASH NEWS
Home   >  Todays Paper  >  Page 1  >  

രോഗിയായ ഉമ്മയെ സന്ദര്‍ശിക്കാന്‍ അനുമതി തേടി മഅ്ദനി

Published : 24th April 2018 | Posted By: kasim kzm

ബംഗളൂരു: ബംഗളൂരുവില്‍ ജാമ്യത്തില്‍  കഴിയുന്ന പിഡിപി ചെയര്‍മാന്‍ അബ്ദുന്നാസിര്‍ മഅ്ദനി രോഗിയായ ഉമ്മയെ കാണാന്‍ അനുമതി തേടി വിചാരണക്കോടതിയില്‍ ഹരജി നല്‍കി. അര്‍ബുദം ബാധിച്ച് അന്‍വാര്‍ശ്ശേരിയില്‍ കഴിയുന്ന ഉമ്മയുടെ അസുഖം മൂര്‍ച്ഛിച്ചതിനെ തുടര്‍ന്നാണ് സന്ദര്‍ശന അനുമതി തേടിയത്. ബംഗളൂരു സ്‌ഫോടനക്കേസ് വിചാരണ നടത്തുന്ന പ്രത്യേക എന്‍ഐഎ കോടതിയില്‍ ഇന്നലെയാണ് മഅ്ദനി ഹരജി സമര്‍പ്പിച്ചത്. സര്‍ക്കാരിന്റെ നിലപാട് അറിയിക്കുന്നതിനായി മഅ്ദനിയുടെ അപേക്ഷ കോടതി നാളത്തേക്കു മാറ്റി. ഏപ്രില്‍ 29 മുതല്‍ മെയ് 12 വരെ രണ്ടാഴ്ചത്തേക്കാണ് അനുമതി തേടിയിരിക്കുന്നത്. ഉമ്മയെ സന്ദര്‍ശിക്കുന്നതിന് പുറമെ എറണാകുളം വെണ്ണലയിലുള്ള തൈക്കാട്ട് മഹാദേവ ക്ഷേത്രത്തിന്റെ പുനരുദ്ധാരണ സമ്മേളനത്തില്‍ പങ്കെടുക്കാനുള്ള അനുമതിയും മഅ്ദനി ആവശ്യപ്പെട്ടിട്ടുണ്ട്. അഡ്വ. പി ഉസ്മാന്‍ മുഖേനയാണ് ഹരജി നല്‍കിയത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss