|    May 23 Wed, 2018 2:33 pm
FLASH NEWS
Home   >  Todays Paper  >  page 7  >  

രാഹുല്‍ യാത്രചെയ്ത വിമാനത്തിന് തകരാര്‍; അന്വേഷണം തുടങ്ങി

Published : 28th April 2018 | Posted By: kasim kzm

ബംഗളൂരു: കര്‍ണാടകത്തില്‍ തിരഞ്ഞെടുപ്പ് പ്രചാരണത്തിനെത്തിയ രാഹുല്‍ ഗാന്ധി സഞ്ചരിച്ച വിമാനം അപകടകരമായി പറന്ന സംഭവത്തില്‍ രണ്ടംഗസമിതി അന്വേഷണമാരംഭിച്ചു. വിമാനത്തിന് സാങ്കേതിക തകരാര്‍ ഉണ്ടായിരുന്നോ എന്നതടക്കമാണ് അന്വേഷിക്കുന്നത്. നടപടികളുടെ ഭാഗമായി വിമാനം പറത്തിയ രണ്ട് പൈലറ്റുമാരില്‍ നിന്നും എന്‍ജിനീയര്‍മാരില്‍ നിന്നും സമിതി വിവരങ്ങള്‍ തേടി. സംഭവത്തെക്കുറിച്ച് വിശദമായി അന്വേഷിക്കുമെന്നും സിവില്‍ വ്യോമയാന ഡയറക്ടറേറ്റ് ജനറല്‍ (ഡിജിസിഎ) അറിയിച്ചു.
പ്രാഥമിക അന്വേഷണത്തില്‍ ലഭിച്ച വിവരം അനുസരിച്ച് വിമാനം ഓട്ടോ പൈലറ്റ് മോഡിലേക്ക് മാറ്റിയപ്പോഴാണ് പത്തു സീറ്റുകളുള്ള ഫാല്‍ക്കണ്‍ 2000 വിമാനത്തിന് അസാധാരണ കുലുക്കം സംഭവിച്ചത്. ഇതില്‍ നിന്നും മാറ്റം വരുത്തിയതോടെ അതില്ലാതായെന്നും ഡിജിസിഎ പറയുന്നു. സംഭവത്തിലെ വിശദമായ റിപോര്‍ട്ട് രണ്ടാഴ്ചയ്ക്കകം സമര്‍പ്പിക്കും.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss