|    May 27 Sat, 2017 7:29 pm
FLASH NEWS

രാഷ്ട്രപതിക്ക് ഊഷ്മള യാത്രയയപ്പ്

Published : 28th February 2016 | Posted By: SMR

മലപ്പുറം: കൊച്ചി, തൃശൂര്‍, കോഴിക്കോട് എന്നിവിടങ്ങളില്‍ വിവിധ പരിപാടികളില്‍ പങ്കെടുക്കാനെത്തിയ രാഷ്ട്രപതി പ്രണബ്കുമാര്‍ മുഖര്‍ജിക്ക് കരിപ്പൂര്‍ വിമാനത്താവളത്തില്‍ സംസ്ഥാന സര്‍ക്കാറിന്റെ ഔദ്യോഗിക യാത്രയയപ്പ് നല്‍കി. 26നാണ് രാഷ്ട്രപതി കൊച്ചിയിലെത്തിയത്. തുടര്‍ന്ന് തൃശൂരിലും ഇന്നലെ കോഴിക്കോട് സൈബര്‍ പാര്‍ക്കിലും നടന്ന വിവിധ പരിപാടികള്‍ക്ക് ശേഷം 3.35ന് കരിപ്പൂര്‍ വിമാനത്താവളത്തിലെത്തിയ രാഷ്ട്രപതി ഇന്ത്യന്‍ എയര്‍ ഫോഴ്‌സിന്റെ പ്രത്യേക വിമാനത്തില്‍ ഡല്‍ഹിക്ക് യാത്രയായി. ഗവര്‍ണര്‍ പി സദാശിവം, മുഖ്യമന്ത്രി ഉമ്മന്‍ചാണ്ടി എന്നിവരുടെ നേതൃത്വത്തില്‍ ജനപ്രതിനിധികളും ഉദ്യോഗസ്ഥരും രാഷ്ട്രപതിക്ക് യാത്രയയപ്പ് നല്‍കി. എം കെ രാഘവന്‍ എംപി, കെ മുഹമ്മദുണ്ണി ഹാജി എംഎല്‍എ, സംസ്ഥാന വനിതാ കമ്മീഷന്‍ ചെയര്‍പെഴ്‌സണ്‍ റോസക്കുട്ടി, ചീഫ് സെക്രട്ടറി ജിജി തോംസന്‍, ഡിജിപി ടി പി സെന്‍കുമാര്‍, സ്റ്റേറ്റ് പ്രൊട്ടോക്കോള്‍ ഓഫിസര്‍ ടി പി വിജയകുമാര്‍, ജില്ലാ കലക്ടര്‍ ടി ഭാസ്‌കരന്‍, ജില്ലാ പോലിസ് സൂപ്രണ്ട് കെ വിജയന്‍ എന്നിവര്‍ സന്നിഹിതരായി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day