|    Jan 23 Mon, 2017 6:11 pm
FLASH NEWS

രാമക്ഷേത്ര നിര്‍മാണം ഈ വര്‍ഷം തുടങ്ങും: സുബ്രഹ്മണ്യന്‍ സ്വാമി

Published : 7th January 2016 | Posted By: G.A.G

ന്യൂഡല്‍ഹി: അയോധ്യയില്‍ രാമക്ഷേത്ര നിര്‍മാണം ഈ വര്‍ഷം അവസാനിക്കുന്നതിനു മുമ്പ് തുടങ്ങുമെന്ന് ബിജെപി നേതാവ് സുബ്രഹ്മണ്യന്‍ സ്വാമി. ഇതു സംബന്ധിച്ച കര്‍മപദ്ധതി ശനിയാഴ്ച ഡല്‍ഹിയില്‍ നടക്കുന്ന സമ്മേളനത്തില്‍ ആവിഷ്‌കരിക്കുമെന്നും അദ്ദേഹം പറഞ്ഞു. എന്നാല്‍ ക്ഷേത്രനിര്‍മാണം പ്രക്ഷോഭത്തിലൂടെ സാധ്യമാവില്ല. അതു കോടതി വിധി വഴിയും ഹിന്ദു-മുസ്‌ലിം സമുദായങ്ങളുടെ പരസ്പര സമ്മതത്തോടെയും മാത്രമേ സാധ്യമാവൂ. ഈവര്‍ഷം ആഗസ്ത്-സപ്തംബറോടെ കോടതി വിധി ഉണ്ടാവുമെന്നാണു പ്രതീക്ഷ- അദ്ദേഹം പറഞ്ഞു. വിശ്വഹിന്ദു പരിഷത്ത് ഓഫിസില്‍ വാര്‍ത്താലേഖകരോടു സംസാരിക്കുകയായിരുന്നു സ്വാമി.രാമക്ഷേത്ര നിര്‍മാണത്തിന് ഉത്തര്‍പ്രദേശ് തിരഞ്ഞെടുപ്പുമായി ബന്ധമില്ല. അയോധ്യയില്‍ സരയു നദിയുടെ ഇരു കരകളിലുമായി ക്ഷേത്രവും പള്ളിയും നിര്‍മിച്ച് പ്രശ്‌നപരിഹാരത്തിന് ശ്രമിച്ചുവരികയാണെന്നും സ്വാമി പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 99 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക