|    Mar 29 Wed, 2017 11:11 am
FLASH NEWS

രാത്രിയില്‍ വീട്ടില്‍ നിന്ന് വിളിച്ചിറക്കി മര്‍ദ്ദിച്ചതായി പരാതി

Published : 22nd May 2016 | Posted By: SMR

സുല്‍ത്താന്‍ ബത്തേരി: പാതിരാത്രിക്ക് വീട്ടില്‍ നിന്ന് വിളിച്ച് ഇറക്കി ക്രൂരമായി മര്‍ദ്ദിച്ചതായി പരാതി. സുല്‍ത്താന്‍ ബത്തേരി മില്‍ക്ക് സൊസൈറ്റിക്ക് സമീപം താമസിക്കുന്ന കഴുങ്ങുംതോട്ടത്തില്‍ ആഷിഖ്(25) ആണ് സുല്‍ത്താന്‍ ബത്തേരിയിലെ സ്വകാര്യ ആശുപത്രിയില്‍ ചികില്‍സയില്‍ കഴിയുന്നത്.
കഴിഞ്ഞ ദിവസം രാത്രി 11ഓടെയാണ് സംഭവം. പഴേരി സ്വദേശികളും സുഹൃത്തുക്കളുമായ മൂന്ന്‌പേര്‍ എത്തി വീട്ടില്‍ നിന്നും വിളിച്ചിറക്കി അകാരണമായി മര്‍ദ്ദിച്ചുവെന്നാണ് ആഷിഖ് പറയുന്നത്. ഇയാളും ഭാര്യയും വാടകയ്ക്ക് താമസിക്കുന്ന സുല്‍ത്താന്‍ ബത്തേരി മില്‍ക്ക് സൊസൈറ്റിക്ക് സമീപമുള്ള വാടകവീട്ടിലെത്തി ഫോണില്‍ വിളിച്ച് പുറത്തിറക്കി ക്രൂരമായി മര്‍ദ്ദിക്കുകയായിരുന്നുവെന്ന് പരാതിയില്‍ പറയുന്നു. ഇടതുകണ്ണിന് മുകളില്‍ സാരമായി പരിക്കേറ്റു. കല്ല് വെച്ച് പുറത്തു ഇടിക്കുകയും റോഡിലൂടെ വലിച്ചിഴക്കുകയും ചെയ്തുവെന്നും മദ്യം കുടിപ്പിച്ചതായും ആഷിഖ് പറയുന്നു. വീട്ടില്‍ ഉണ്ടായിരുന്ന ഇരുചക്രവാഹനവും മൂന്നംഗസംഘം അടിച്ചു തകര്‍ത്തു. അയ്യായിരം രൂപയും നഷ്ടപ്പെട്ടിട്ടുണ്ട്. ഗള്‍ഫിലായിരുന്ന ആഷിഖ് മൂന്ന് മാസം മുമ്പാണ് പഴേരിയിലെത്തുന്നത്. ഒരുമാസം മുമ്പാണ് വാടകയ്ക്ക് താമസം ആരംഭിച്ചത്. സുല്‍ത്താന്‍ ബത്തേരിയിലെ പച്ചക്കറികടയിലെ ജീവനക്കാരനാണ്.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day