|    Aug 20 Mon, 2018 2:25 am
FLASH NEWS

രാത്രിയായാല്‍ ചങ്ങരംകുളം മേഖലയില്‍ മണ്ണ് മാഫിയയുടെ വിളയാട്ടം

Published : 18th May 2018 | Posted By: kasim kzm

പൊന്നാനി: ചങ്ങരംകുളം മേഖലയില്‍ മണ്ണ് മാഫിയ പിടിമുറുക്കുന്നു. രാത്രി 11 മണി കഴിഞ്ഞാല്‍ ചങ്ങരംകുളം വളയംകുളം മേഖലയില്‍ മണ്ണ് മാഫിയയുടെ വിളയാട്ടമാണ്. ലോറ കളുടെ ചീറിപ്പാച്ചിലും കാറിലും ബൈക്കുകളിലുമായി എസ്‌കോര്‍ട്ട് കാരും രാത്രി കയ്യടക്കുന്നു.കാറുകളില്‍ വലിയ സംഘങ്ങളായിട്ടാണ് ഇവര്‍ വിലസുന്നത് ഇവരെ എതിര്‍ക്കുന്നവരെ ഭീഷണിപ്പെടുത്തുന്നുമുണ്ട്. കഴിഞ്ഞ ദിവസം മൂക്കുതലയില്‍ വച്ച് രണ്ട് ‘പരിസ്ഥിതി പ്രവര്‍ത്തകര്‍ക്കു നേരെ മണ്ണ് ലോറി ഇടിക്കാന്‍ വന്ന സംഭവമുണ്ടായി. പരാതി പറഞ്ഞാല്‍ റവന്യൂ  അധികൃതര്‍ ‘കൈമലര്‍ത്തുകയാണ്.
ജനങ്ങള്‍ ലോറി പിടിച്ചു കൊടുത്താല്‍ പോലും വേണ്ടത്ര ഗൗരവത്തില്‍ നടപടിയെടുക്കുന്നില്ല. അധികൃതര്‍ ഇക്കാര്യത്തില്‍ അടിയന്തിര നടപടിയെടുത്തേ പറ്റൂവെന്നാണ് പരിസ്ഥിതി പ്രവര്‍ത്തകര്‍ പറയുനത്. കഴിഞ്ഞ രാത്രിയില്‍  പാ വിട്ടപ്പുറം മാങ്കുളത്തിനടുത്ത പാടത്ത് മണ്ണടിക്കുന്ന ലോറി സ്‌പോട്ടില്‍ വച്ച് തന്നെ നെല്‍വയല്‍തണ്ണീര്‍ത്തട സംരക്ഷണ സമിതിക്കാര്‍ പിടികൂടി ചങ്ങരംകുളം പോലിസിനെ ഏല്‍പ്പിച്ചു.
ഇതില്‍ മണ്ണ് ലോറി ജില്ലാ കലക്ടര്‍ക്ക് റിപ്പോര്‍ട്ടായി കൊടുത്തിട്ടുണ്ട്. മണ്ണ് മാഫിയക്കെതിരേ ജില്ലാ കലക്ടറേയും, ജില്ലാ പോലിസ് മേധാവിയേയും നേരില്‍ കണ്ട് പരാതി സമര്‍പ്പിക്കാനിരിക്കുകയും ഒരു കൂട്ടം പ്രകൃതി സ്‌നേഹികള്‍.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss