|    May 26 Fri, 2017 4:57 pm
FLASH NEWS

രാത്രികാല മിന്നല്‍ പരിശോധന; ലക്ഷം രൂപ പിഴ ഈടാക്കി

Published : 18th February 2016 | Posted By: SMR

കാസര്‍കോട്: നഗരത്തിലും സമീപ പ്രദേശങ്ങളിലും രാത്രിയില്‍ നടത്തിയ വാഹന പരിശോധനയില്‍ കുടുങ്ങിയത് അമ്പതോളം വാഹനങ്ങള്‍.
അമിതഭാരം കയറ്റിയ ആറ് വാഹനങ്ങളും ലൈസന്‍സ് ഇല്ലാതെ ഓടിച്ച 14 ഇരുചക്ര വാഹനങ്ങളും മാസങ്ങളായി നികുതി അടയ്ക്കാതെ രാത്രിയില്‍ മാത്രം സര്‍വീസ് നടത്തിയ മൂന്ന് ഓട്ടോറിക്ഷയും രജിസ്‌ട്രേഷന്‍ കാലാവധി കഴിഞ്ഞ രണ്ട് വാഹനങ്ങളും പിടിയിലായവയില്‍ ഉള്‍പ്പെടുന്നു.
രാത്രി കാലങ്ങളില്‍ അമിതപ്രകാശമുള്ള വാഹനങ്ങള്‍ എതിരെ വരുന്ന വാഹനങ്ങളുടെ ഡ്രൈവര്‍മാര്‍ക്ക് താല്‍കാലിക അന്ധത ഉണ്ടാക്കുന്നതായി വ്യാപകമായി പരാതി ഉയര്‍ന്ന സാഹചര്യത്തില്‍ അത്തരം വാഹനങ്ങളെയും പരിശോധനയ്ക്ക് വിധേയമാക്കി.
അത്തരം വാഹനങ്ങള്‍ക്ക് പിഴ ഈടാക്കുകയും അമിത പ്രകാശമുള്ള ലൈറ്റ് നീക്കി വാഹനം പരിശോധനയ്ക്ക് ഹാജരാക്കാന്‍ നിര്‍ദ്ദേശിക്കുകയും ചെയ്തു.
രാത്രി കാലങ്ങളില്‍ മാത്രം നടക്കുന്ന നിയമ ലംഘനങ്ങള്‍ കണ്ടെത്താന്‍ വരും ദിവസങ്ങളില്‍ പ്രത്യേക പരിശോധന നടത്തുമെന്ന് ആര്‍ടിഒ പി എച്ച് സാദിക്ക് അലി അറിയിച്ചു.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day