|    Oct 19 Thu, 2017 7:26 am
FLASH NEWS
Home   >  National   >  

രാജ്യസ്‌നേഹം എന്താണെന്ന് ബിജെപി പഠിപ്പിക്കേണ്ട: ഉദ്ധവ് താക്കറെ

Published : 1st October 2017 | Posted By: mi.ptk

മുംബൈ: രാജ്യസ്‌നേഹം എന്താണെന്ന് തങ്ങളെ ബിജെപി പഠിപ്പിക്കേണ്ടെന്ന് ശിവസേന അധ്യക്ഷന്‍ ഉദ്ധവ് താക്കറെ. ശിവസേനയുടെ നേതൃത്വത്തില്‍ നടന്ന ദസറ റാലിയെ അഭിസംബോധന ചെയ്ത് സംസാരിക്കവെയാണ് താക്കറെയുടെ പ്രസ്താവന. ‘ഞങ്ങളെ നിങ്ങള്‍ ദേശസ്‌നേഹം പഠിപ്പിക്കേണ്ട. ഞങ്ങളെ ദേശസ്‌നേഹം പഠിപ്പിക്കേണ്ട സാഹചര്യം ഇതുവരെ സംജാതമായിട്ടില്ല’,-താക്കറെ പറഞ്ഞു. നോട്ട് നിരോധനത്തെ അനുകൂലിക്കുന്നവരെല്ലാം ദേശസ്‌നേഹികളും എതിര്‍ക്കുന്നവര്‍ രാജ്യദ്രോഹികളുമാണെന്ന രീതിയാണ് ഇപ്പോഴുള്ളതെന്നും താക്കറെ പറഞ്ഞു.
സാമ്പത്തിക പരിഷ്‌കാരങ്ങളുടെ പേരില്‍ കേന്ദ്ര സര്‍ക്കാരിനെ കഴിഞ്ഞ ദിവസം ശിവസേന വിമര്‍ശിച്ചിരുന്നു. ഇതിന് പിന്നാലെയാണ് താക്കറെയുടെ പുതിയ പ്രസ്താവന. പെട്രോള്‍-ഡീസല്‍ വില വര്‍ധനയെയും താക്കറെ വിമര്‍ശിച്ചു. പാകിസ്താനില്‍ വരെ പെട്രോളിന് വില കുറവാണെന്ന് താക്കറെ പറഞ്ഞു.
അതേസമയം പ്രധാനമന്ത്രി നരേന്ദ്രമോദിയെ വ്യക്തിപരമായി അപമാനിക്കുന്ന രീതിയിലുള്ള പ്രസ്താവനകളില്‍ നിന്ന് വിട്ടു നില്‍ക്കണമെന്നു ഉദ്ധവ് താക്കറെ ശിവസേന പ്രവര്‍ത്തകര്‍ക്ക് നിര്‍ദേശം നല്‍കിയിട്ടുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക