|    Jan 20 Fri, 2017 2:52 am
FLASH NEWS

രാജ്യത്തിന്റെ ബഹുസ്വരതകാക്കണമെന്ന് രാഷ്ട്രപതി വീണ്ടും

Published : 1st November 2015 | Posted By: SMR

 ന്യൂഡല്‍ഹി: രാജ്യത്തിന്റെ വൈവിധ്യവും ബഹുസ്വരതയും കാത്തുസൂക്ഷിക്കണമെന്ന് രാഷ്ട്രപതി പ്രണബ് മുഖര്‍ജി വീണ്ടും. രാജ്യത്തിന് ഉയര്‍ച്ചയുണ്ടായത് അതിന്റെ ബഹുസ്വരതകൊണ്ടും സഹിഷ്ണുതകൊണ്ടുമാണെന്ന് രാഷ്ട്രപതി പറഞ്ഞു. ഡല്‍ഹി ഹൈക്കോടതിയുടെ സുവര്‍ണജൂബിലി ആഘോഷങ്ങള്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. സുപ്രിംകോടതി ചീഫ്ജസ്റ്റിസ് എച്ച് എല്‍ ദത്തു, ഡല്‍ഹി ഹൈക്കോടതി ചീഫ്ജസ്റ്റിസ് ജി രോഹിണി, ഡല്‍ഹി ലഫ്റ്റനന്റ് ഗവര്‍ണര്‍ നജീബ് ജംഗ്, മുഖ്യമന്ത്രി അരവിന്ദ് കെജ്‌രിവാള്‍ തുടങ്ങിയവര്‍ ചടങ്ങില്‍ പങ്കെടുത്തു. രാജ്യത്ത് വളര്‍ന്നുവരുന്ന അസഹിഷ്ണുതയ്‌ക്കെതിരേ കഴിഞ്ഞ മൂന്നാഴ്ചയ്ക്കിടെ ഒട്ടേറെ തവണ രാഷ്ട്രപതി സംസാരിച്ചിരുന്നു.
പശ്ചിമബംഗാള്‍ മുഖ്യമന്ത്രി മമതാ ബാനര്‍ജിയും രാജ്യത്ത് വളര്‍ന്നുവരുന്ന അസഹിഷ്ണുതയില്‍ ആശങ്ക പ്രകടിപ്പിച്ചു. അസഹിഷ്ണുത രാജ്യത്ത് ഇത്രയും വളര്‍ന്നത് ദുഃഖകരമാണെന്ന് അവര്‍ കൊല്‍ക്കത്തയില്‍ പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 55 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക