|    Nov 21 Tue, 2017 8:21 am
FLASH NEWS
Home   >  Todays Paper  >  Page 4  >  

‘രാജ്യം വിലപിക്കുമ്പോള്‍ ബിജെപി ആഘോഷിക്കുന്നു’

Published : 9th November 2017 | Posted By: fsq

 

തിരുവനന്തപുരം: ഇന്ത്യയുടെ സാമ്പത്തിക രംഗത്തെ തല്ലിത്തകര്‍ത്ത നോട്ട് നിരോധന ദുരന്തത്തിന്റെ ഒന്നാം വാര്‍ഷികത്തില്‍ രാജ്യം വിലപിക്കുമ്പോള്‍ ബിജെപി ആഘോഷിക്കുകയാണെന്ന് ശശി തരൂര്‍ എംപി. കള്ളപ്പണം ബാങ്കുകളിലെത്തിച്ച് നിയമപരമായി വെളുപ്പിച്ചെടുക്കാന്‍ കളപ്പണക്കാര്‍ക്ക് അവസരമൊരുക്കുന്നതിനാണ് കഴിഞ്ഞ നവംബര്‍ എട്ടിന് നോട്ട് നിരോധിച്ച് കേന്ദ്രസര്‍ക്കാര്‍ ഉത്തരവിട്ടത്. ഇതില്‍ നേട്ടമുണ്ടായതും ബിജെപിക്കാണ്. നിരോധനത്തിന്റെ മറപറ്റി ബിജെപി, ഒറീസയിലും ബിഹാറിലും കോടിക്കണക്കിന് രൂപ മുതല്‍ മുടക്കി ഭൂമി വാങ്ങിക്കൂട്ടിയെന്നും തരൂര്‍ ആരോപിച്ചു. കള്ളപ്പണം ഇല്ലാതാക്കുമെന്നു സര്‍ക്കാര്‍ പറഞ്ഞിരുന്നു. കഴിഞ്ഞ മാര്‍ച്ച് 31ലെ കണക്കുകള്‍ അനുസരിച്ച് 0.0013 ശതമാനം നോട്ടുകളും ബാങ്കില്‍ തിരിച്ചെത്തി. കോടികളുടെ കള്ളപ്പണം പിടിച്ചെടുക്കുമെന്ന സര്‍ക്കാര്‍ വാദം ഇതോടെ പൊളിഞ്ഞതായി അദ്ദേഹം വാര്‍ത്താസമ്മേളനത്തില്‍ പറഞ്ഞു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക