|    Oct 19 Thu, 2017 2:55 pm
FLASH NEWS
Home   >  Todays Paper  >  Page 5  >  

രാജു നാരായണ സ്വാമിക്ക് ഔദ്യോഗികഭാഷാ വകുപ്പില്‍ നിയമനം

Published : 1st June 2017 | Posted By: fsq

 

തിരുവനന്തപുരം: രാജു നാരായണസ്വാമി ഐഎഎസിനെ ഉദ്യോഗസ്ഥ ഭരണപരിഷ്‌കാര (ഔദ്യോഗിക ഭാഷ) വകുപ്പ് പ്രിന്‍സിപ്പല്‍ സെക്രട്ടറിയായി നിയമിച്ചു. ബിജു പ്രഭാകര്‍ ഐഎഎസുമായുള്ള അഭിപ്രായവ്യത്യാസങ്ങളെ തുടര്‍ന്നാണ് അപ്രധാന തസ്തികയായ ഔദ്യോഗിക ഭാഷാ വകുപ്പിലേക്ക് അദ്ദേഹത്തെ മാറ്റിയിരിക്കുന്നത്. ഇന്നലെ ചേര്‍ന്ന മന്ത്രിസഭാ യോഗത്തിലാണു തീരുമാനം. കൃഷിവകുപ്പ് സെക്രട്ടറിയായിരുന്ന രാജു നാരായണസ്വാമിയും കൃഷി ഡയറക്ടര്‍ ബിജു പ്രഭാകറും തമ്മില്‍ അഭിപ്രായവ്യത്യാസം രൂക്ഷമായിരുന്നു. ഇരുവരും ആരോപണ പ്രത്യാരോപണങ്ങളുമായി മാധ്യമങ്ങള്‍ക്കു മുമ്പിലെത്തുകയും ചെയ്തിരുന്നു. തുടര്‍ന്ന് ഇരുവരെയും കൃഷിവകുപ്പില്‍ നിന്നു മാറ്റിയിരുന്നെങ്കിലും പുതിയ തസ്തിക നല്‍കിയിരുന്നില്ല. പ്രശ്‌നങ്ങളെ തുടര്‍ന്നു ബിജു പ്രഭാകര്‍ ജൂണ്‍ 12 വരെ അവധിയില്‍ പ്രവേശിച്ചിരിക്കുകയാണ്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക