|    May 26 Sat, 2018 12:23 am
Home   >  Todays Paper  >  page 9  >  

രാജിവയ്ക്കില്ലെന്നു സുമ;അവിശ്വാസപ്രമേയം അവതരിപ്പിക്കും

Published : 15th February 2018 | Posted By: kasim kzm

ജൊഹാനസ്ബര്‍ഗ്: താന്‍ കുറ്റമൊന്നും ചെയ്തിട്ടില്ലെന്നും ഉടന്‍ രാജിവയ്‌ക്കേണ്ട സാഹചര്യമില്ലെന്നും ദക്ഷിണാഫ്രിക്കന്‍ പ്രസിഡന്റ് ജേക്കബ് സുമ. 48 മണിക്കൂറിനകം രാജിവയ്ക്കാന്‍ തയ്യാറായിട്ടില്ലെങ്കില്‍ സുമയ്‌ക്കെതിരായ അവിശ്വാസ പ്രമേയത്തെ പിന്തുണയ്ക്കുമെന്ന് ആഫ്രിക്കന്‍ നാഷനല്‍ കോണ്‍ഗ്രസ് പ്രഖ്യാപിച്ചിരുന്നു. ഇതിനു പിന്നാലെയാണ് അദ്ദേഹം നിലപാട് വ്യക്തമാക്കിയത്.
എന്തിനാണ് താന്‍ രാജിവയ്ക്കുന്നതെന്നു വ്യക്തമാക്കുന്നതില്‍ പാര്‍ട്ടി പരാജയപ്പെട്ടതായും അദ്ദേഹം പറഞ്ഞു. എസ്എബിസിക്ക് നല്‍കിയ അഭിമുഖത്തിലാണ് അദ്ദേഹം ഇക്കാര്യം വ്യക്തമാക്കിയത്. രാജിവയ്ക്കാന്‍ മൂന്നു മാസം അനുവദിക്കണമെന്ന സുമയുടെ ആവശ്യം നേരത്തേ പാര്‍ട്ടി തള്ളിയിരുന്നു. രാജിവയ്ക്കാന്‍ ബുധനാഴ്ച വരെയായിരുന്നു സുമയ്ക്ക് പാര്‍ട്ടി അനുവദിച്ച സമയം. അതിനിടെ, രാജി വച്ചിട്ടില്ലെങ്കില്‍ വ്യാഴാഴ്ച അദ്ദേഹത്തിനെതിരായ അവിശ്വാസപ്രമേയം പരിഗണിക്കുമെന്നും പാര്‍ട്ടി ചീഫ് വിപ്പ് ജാക്‌സണ്‍ എംതെംബു അറിയിച്ചിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss