|    Dec 15 Sat, 2018 9:51 am
FLASH NEWS
Home   >  Todays Paper  >  page 7  >  

രാജസ്ഥാനില്‍ തനിച്ച് മല്‍സരിക്കും: കോണ്‍ഗ്രസ്

Published : 4th June 2018 | Posted By: kasim kzm

ജയ്പൂര്‍: ഇത്തവണത്തെ രാജസ്ഥാന്‍ നിയമസഭാ തിരഞ്ഞെടുപ്പില്‍ പാര്‍ട്ടി തനിച്ചു മല്‍സരിക്കുമെന്ന് കോണ്‍ഗ്രസ് നേതാവ് സച്ചിന്‍ പൈലറ്റ്. സംസ്ഥാനത്ത് രണ്ടു പാര്‍ട്ടികള്‍ക്ക് മാത്രമാണ് സ്വാധീനമുള്ളത്. അതു കൊണ്ട് തന്നെ ഇവിടെ തനിച്ചു മല്‍സരിച്ച് കോണ്‍ഗ്രസ്സിന് ബിജെപി തോല്‍പിക്കാന്‍ സാധിക്കും. രാജസ്ഥാനില്‍ കോണ്‍ഗ്രസ്സിന് ഒരുവിധ സഖ്യത്തിന്റെയും ആവശ്യമില്ല. സംസ്ഥാനത്ത് നടന്ന കഴിഞ്ഞ ഉപതിരഞ്ഞെടുപ്പുകളുടെ ഫലം ബിജെപിയുടെ ശക്തി ചോര്‍ന്നതിന്റെ അടയാളമാണ്.
ബിജെപി ഇതുവരെ കര്‍ഷകരുടെ പ്രശ്‌നങ്ങള്‍ പരിഹരിക്കുന്നതിന് ആവശ്യമായ യാതൊരു വിധ നടപടിയും സ്വീകരിക്കുന്നില്ല. രാജസ്ഥാനിലും മധ്യപ്രദേശിലും കാര്‍ഷിക മേഖലയും കര്‍ഷകരും വലിയ പ്രശ്‌നങ്ങളാണ് അഭിമുഖീകരിക്കുന്നത്. ഇതുവരെ രാജസ്ഥാനില്‍ മാത്രം 150 കര്‍ഷകരാണ് ജീവനൊടുക്കിയത്. എന്നിട്ടും പ്രശ്‌നങ്ങള്‍ പരിഹരിക്കുന്നതിന് സര്‍ക്കാര്‍ യാതൊരു വിധ നടപടിയും സ്വീകരിക്കുന്നില്ല. ദേശീയ തലത്തില്‍ ബിജെപിയെ തോല്‍പ്പിക്കാന്‍ സാധിക്കുന്ന പാര്‍ട്ടി കോണ്‍ഗ്രസ് മാത്രമാണ്. എല്ലാ ബിജെപി വിരുദ്ധ സഖ്യത്തിന്റെയും അമരത്ത് കോണ്‍ഗ്രസ്സുണ്ടാവുമെന്നും അദ്ദേഹം കൂട്ടിച്ചേര്‍ത്തു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss