|    Dec 18 Mon, 2017 3:12 am
FLASH NEWS
Home   >  Todays Paper  >  Page 4  >  

രണ്ട് കിലോ കഞ്ചാവുമായി ഒരാള്‍ പിടിയില്‍

Published : 8th March 2016 | Posted By: SMR

പാലക്കാട്: രണ്ടു കിലോ കഞ്ചാവുമായി തൃശൂര്‍ സ്വദേശിയെ എക്‌സൈസ് സ്‌പെഷ്യല്‍ സ്‌ക്വാഡ് പിടികൂടി. തൃശൂര്‍ നെടുപുഴ പനങ്ങാട്ടില്‍ വീട്ടില്‍ രാമഭദ്രന്‍(51) ആണ് അറസ്റ്റിലായത്. തമിഴ്‌നാട്ടില്‍ നിന്നു കെഎസ്ആര്‍ടിസി ബസ്സില്‍ കഞ്ചാവ് കടത്തുന്നതിനിടെയാണ് ഇയാള്‍ പിടിയിലായത്. തൃശൂരിലെ ഒരു പ്രമുഖ കോളജിന് സമീപമാണ് കഞ്ചാവ് വില്‍പന നടത്തുന്നതെന്ന് പ്രതി എക്‌സൈസ് ഉദ്യോഗസ്ഥര്‍ക്ക് മൊഴി നല്‍കി. മൂവാറ്റുപുഴയിലേക്കും കഞ്ചാവ് കടത്താറുണ്ട്.
സ്‌കൂള്‍, കോളജ് വിദ്യാര്‍ഥികളെ കേന്ദ്രീകരിച്ചാണ് പ്രധാന കച്ചവടമെന്ന് എക്‌സൈസ് ഉദ്യോഗസ്ഥര്‍ പറഞ്ഞു. 2014ല്‍ ഗോവിന്ദാപുരം എക്‌സൈസ് ചെക്‌പോസ്റ്റിലും ഇയാള്‍ രണ്ടുകിലോ കഞ്ചാവുമായി പിടിയിലായിരുന്നു. അന്ന് ഇയാളെ പിടികൂടിയ സംഘത്തിലുണ്ടായിരുന്ന ഉദ്യോഗസ്ഥന്‍ തിരിച്ചറിഞ്ഞതിനെ തുടര്‍ന്ന് നടത്തിയ പരിശോധനയിലാണ് ബാഗില്‍ പൊതിഞ്ഞ് സൂക്ഷിച്ചിരുന്ന കഞ്ചാവ് പിടിച്ചെടുത്തത്.
സ്‌പെഷ്യല്‍ സ്‌ക്വാഡ് സര്‍ക്കിള്‍ ഇന്‍സ്‌പെക്ടര്‍ ബി ശ്രീകുമാര്‍, പ്രിവന്റീവ് ഓഫിസര്‍ കെ സി രൂപേഷ്, സിവില്‍ എക്‌സൈസ് ഓഫിസര്‍മാര്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss