|    Jan 23 Mon, 2017 10:33 pm

രണ്ടരക്കിലോ കഞ്ചാവുമായി തമിഴ്ബാലന്‍ പിടിയില്‍

Published : 17th April 2016 | Posted By: SMR

കോന്നി: രണ്ടരലക്ഷം രൂപ വിലമതിക്കുന്ന കഞ്ചാവുമായി തമിഴ് ബാലനെ പോലിസ് അറസ്റ്റ് ചെയ്തു. കോന്നി കെഎസ്ആര്‍ടിസി ബസ് സ്‌റ്റേഷനു സമീപത്തു നിന്നാണ് തമിഴ്‌നാട് രാജപാളയം സ്വദേശിയായ ബാലനെ പോലിസ് അറസ്റ്റ് ചെയ്തത്.
രഹസ്യവിവരത്തിന്റെ അടിസ്ഥാനത്തില്‍ കോന്നി എസ്‌ഐ വിനോദ്കുമാറിന്റെ നേതൃത്വത്തിലുള്ള സംഘം നടത്തിയ തിരച്ചിലിലാണ് തമിഴ് ബാലന്‍ പിടിയിലായത്. ഇയാളില്‍ നിന്ന് രണ്ടര കിലോഗ്രാം കഞ്ചാവ് പോലിസ് പിടിച്ചെടുത്തു.
ജില്ലയുടെ വിവിധ കേന്ദ്രങ്ങളില്‍ നിന്ന് കഞ്ചാവ് എത്തിക്കുന്ന വന്‍സംഘത്തിലെ കണ്ണിയാണ് ബാലനെന്ന് സംശയിക്കുന്നതായി പോലിസ് പറഞ്ഞു. കുട്ടിയില്‍ നിന്ന് ലഭിച്ച വിവരത്തിന്റെ അടിസ്ഥാനത്തില്‍ കൂടുതല്‍ പേര്‍ക്കായുള്ള തിരച്ചില്‍ പോലിസ് ഊര്‍ജ്ജിതമാക്കി. തമിഴ്‌നാട്ടിലെ വിവിധ കേന്ദ്രങ്ങളില്‍ നിന്നാണ് കോന്നി ഉള്‍പ്പടെ ജില്ലയിലെ വിവിധ മേഖലകളില്‍ കഞ്ചാവ് എത്തിക്കുന്നത്. പിടിയിലായ ബാലനെ ജുവനൈല്‍ കോടതിയില്‍ ഹാജരാക്കുമെന്ന് പോലിസ് പറഞ്ഞു.

Share on FacebookShare on Google+Tweet about this on TwitterShare on LinkedIn
(Visited 46 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക