|    Mar 29 Wed, 2017 10:57 am

രണ്ടരക്കിലോ കഞ്ചാവുമായി രണ്ടുപേര്‍ പിടിയില്‍

Published : 29th February 2016 | Posted By: SMR

നിലമ്പൂര്‍: രണ്ടരക്കിലോ കഞ്ചാവുമായി നിലമ്പൂരില്‍ രണ്ടുപേരെ അറസ്റ്റുചെയ്തു. നിലമ്പൂര്‍ മുതുകാട് അഴകം പറമ്പില്‍ ദേവസ്യ (ജോണി -52), മമ്പാട് പള്ളിക്കണ്ടി മുഹമ്മദ് (നാണി-55) എന്നിവരെയാണ് നിലമ്പൂര്‍ സിഐ ടി രാജീവും സംഘവും അറസ്റ്റ് ചെയ്തത്. കഞ്ചാവ് പ്ലാസ്റ്റിക് കവറുകളില്‍ ചെറിയ പൊതികളാക്കി ശരീരത്തില്‍ കെട്ടിവച്ച് ബൈക്കില്‍ വില്‍പനയ്ക്കായി കൊണ്ടുപോവുന്നതിനിടയിലാണ് ഇരുവരെയും പിടികൂടിയത്.
രണ്ടുപേരില്‍നിന്നുമായാണ് രണ്ടരക്കിലോ കഞ്ചാവു ലഭിച്ചത്. ഇരുവര്‍ക്കുമെതിരേ മുന്‍പ് നാലോളം കേസുകളുള്ളതായി പോലിസ് പറഞ്ഞു. ജോണി രണ്ടുവര്‍ഷം ജയില്‍വാസം അനുഭവിച്ചതാണ്. മേഖലയില്‍ കഞ്ചാവു വില്‍പ്പനയും ഉപയോഗവും വര്‍ധിച്ചതായുള്ള റിപോര്‍ട്ടുകളുടെ അടിസ്ഥാനത്തില്‍ പോലിസ് പ്രത്യേക നിരീക്ഷണം നടത്തിവരികയായിരുന്നു. പ്രതികളെ കോടതിയില്‍ ഹാജരാക്കി. നിലമ്പൂര്‍ സിഐക്ക് പുറമെ എസ്‌ഐ വി ബാബുരാജ്, ഗ്രേഡ് എസ്‌ഐ അബൂബക്കര്‍, സിപിഒ റെനി ഫിലിപ്പ്, ജയരാജ്, എന്‍ രവി എന്നിവരും അന്വേഷണ സംഘത്തിലുണ്ടായിരുന്നു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day