|    Dec 17 Mon, 2018 4:20 am
FLASH NEWS
Home   >  Todays Paper  >  page 7  >  

രജനീകാന്തിന്റെ ഭാര്യയെ ഉടന്‍ വിചാരണ ചെയ്യണം: സുപ്രിംകോടതി

Published : 11th July 2018 | Posted By: kasim kzm

ന്യൂഡല്‍ഹി: വായ്പാ തട്ടിപ്പു കേസില്‍ നടന്‍ രജനീകാന്തിന്റെ ഭാര്യ ലതാ രജനീകാന്തിനെതിരേ വിചാരണാ നടപടികള്‍ ഉടന്‍ ആരംഭിക്കണമെന്ന് സുപ്രിംകോടതി. ലത ഡയറക്ടറായ മീഡിയകോണ്‍ ഗ്ലോബല്‍ എന്റര്‍ടെയിന്‍മെന്റ് പ്രൈവറ്റ് ലിമിറ്റഡ് കടമായി വാങ്ങിയ 6.2 കോടി രൂപ തിരിച്ചടച്ചില്ലെന്നു കാട്ടി ബംഗളൂരു ആസ്ഥാനമായുള്ള ഒരു പരസ്യക്കമ്പനി നല്‍കിയ പരാതിയിലാണ് ഉത്തരവ്.
2014ല്‍ ഇറങ്ങിയ കൊച്ചടിയാന്‍ എന്ന സിനിമയ്ക്കുവേണ്ടിയായിരുന്നു മീഡിയകോ ണ്‍ ഗ്ലോബല്‍ എന്റര്‍ടെയിന്‍മെ ന്റ് ബംഗളൂരുവിലെ പരസ്യക്കമ്പനിയില്‍ നിന്ന് പണം കടം വാങ്ങിയത്. 14 കോടിയാണ് ചിത്രത്തിന്റെ സഹനിര്‍മാതാവു കൂടിയായ ലത കമ്പനിയില്‍ നിന്നു കടം വാങ്ങിയത്. ലതയ്‌ക്കെതിരേയുള്ള നടപടികള്‍ കര്‍ണാടക ഹൈക്കോടതി നേരത്തേ റദ്ദാക്കിയിരുന്നു. തുടര്‍ന്ന് പരസ്യക്കമ്പനി സുപ്രിംകോടതിയില്‍ ഹരജി നല്‍കുകയായിരുന്നു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss