|    Feb 19 Mon, 2018 1:38 pm
FLASH NEWS
Home   >  Todays Paper  >  page 7  >  

രജനിയുടെ രാഷ്ട്രീയപാര്‍ട്ടി ജൂലൈയില്‍ : സഹോദരന്‍

Published : 28th May 2017 | Posted By: fsq

 

ബംഗളൂരു: തമിഴ് സിനിമാതാരം രജനീകാന്തിന്റെ രാഷ്ട്രീയ പ്രവേശനം ജൂലൈ അവസാനത്തോടെയുണ്ടാവുമെന്ന് സഹോദരന്‍ സത്യനാരായണ റാവു ഗെയ്ക്‌വാദ്. രജനീകാന്ത് രാഷ്ട്രീയത്തില്‍ ഇറങ്ങണമെന്നത് ജനങ്ങളുടെ ആഗ്രഹമാണ്. ഇതിന്റെ ആദ്യപടിയായി രജനി തന്റെ ആരാധകരെയും അഭ്യുദയകാംഷികളെയും സന്ദര്‍ശിച്ചിട്ടുണ്ടെന്നും അദ്ദേഹം പറഞ്ഞു. തമിഴ്‌നാട്ടില്‍ നല്ല രാഷ്ട്രീയക്കാര്‍ ഉണ്ടെന്നും എന്നാല്‍, വ്യവസ്ഥ ദുഷിച്ചതാണെന്നും രജനീകാന്ത് നേരത്തേ പറഞ്ഞിരുന്നു. ഈ അവസ്ഥ മാറ്റുന്നതിനായി പോരാട്ടത്തിനു തയ്യാറാവാന്‍ അദ്ദേഹം ആരാധകരോട് ആവശ്യപ്പെടുകയും ചെയ്തിരുന്നു. ഈ മാസം 15നും 19നും ഇടയില്‍ രജനി തമിഴ്‌നാട്ടിലെ 15 ജില്ലകളിലെ ആരാധകരെ സന്ദര്‍ശിച്ചിരുന്നു. പൊതുജീവിതത്തിലെ അഴിമതി ഇല്ലാതാക്കുകയാണ് രജനിയുടെ രാഷ്ട്രീയപ്രവേശനത്തിന്റെ ലക്ഷ്യമെന്നാണ് ഗെയ്ക്‌വാദ് പറഞ്ഞത്. സ്വന്തം രാഷ്ട്രീയ പാര്‍ട്ടി രൂപീകരിക്കാനാണ് രജനി മുന്‍ഗണന നല്‍കുന്നത്. മറ്റൊരു പാര്‍ട്ടിയിലും ചേരില്ലെന്നും അദ്ദേഹം പറഞ്ഞു. രജനിയെ തങ്ങളുടെ പാളയത്തോടടുപ്പിക്കാന്‍ ബിജെപി ശ്രമിച്ചുവരുകയാണ്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss