|    Oct 19 Thu, 2017 4:51 pm
FLASH NEWS
Home   >  Todays Paper  >  Page 4  >  

യൂബര്‍ ടാക്‌സി ഡ്രൈവറെ മര്‍ദിച്ച സംഭവം: മരട് പോലിസിനു രൂക്ഷ വിമര്‍ശനം

Published : 5th October 2017 | Posted By: fsq

 

കൊച്ചി: യൂബര്‍ ടാക്‌സിയില്‍ യാത്ര ചെയ്യാനെത്തിയ യുവതികളെ ആക്രമിച്ചെന്ന കേസില്‍ ഡ്രൈവര്‍ ശഫീഖിനെതിരേ മരട് പോലിസ് അനാവശ്യ വകുപ്പുകള്‍ ചുമത്തി കേസെടുത്തെന്നു ഹൈക്കോടതി. ഈ വകുപ്പുകളെല്ലാം ജാമ്യം ലഭിക്കാവുന്ന വകുപ്പുകളാണെന്നും അതിനാല്‍ ശഫീഖ് അറസ്റ്റ് ഭയപ്പെടേണ്ടതില്ലെന്നും മുന്‍കൂര്‍ ജാമ്യാപേക്ഷ തീര്‍പ്പാക്കി കോടതി പറഞ്ഞു. ശഫീഖിനെതിരേ യുവതികള്‍ നല്‍കിയ പരാതി പരിശോധിച്ചാല്‍ മാരകായുധങ്ങള്‍ ഉപയോഗിച്ചു പരിക്കുണ്ടാവണമെന്ന ലക്ഷ്യത്തോടെ ആക്രമിച്ചു, ലൈംഗികമായി പീഡിപ്പിച്ചു തുടങ്ങിയ വകുപ്പുകള്‍ നിലനില്‍ക്കില്ലെന്നു വ്യക്തമാവുമെന്നു കോടതി പറഞ്ഞു. നിസ്സാരമായ സംഘട്ടനമാണ് നടന്നിരിക്കുന്നത്. എന്നിട്ടും എന്ത് അടിസ്ഥാനത്തിലാണ് ഇത്തരത്തിലുള്ള വകുപ്പുകള്‍ പോലിസ് എഫ്‌ഐആറില്‍ ചേര്‍ത്തതെന്നു മനസ്സിലാവുന്നില്ല. തുടര്‍ന്ന്, മരട് സ്റ്റേഷനിലെ അന്വേഷണ ഉദ്യോഗസ്ഥനെ കോടതി രൂക്ഷമായി വിമര്‍ശിച്ചു. ജാമ്യം ലഭിക്കാവുന്ന വകുപ്പുകളായതിനാല്‍ മുന്‍കൂര്‍ ജാമ്യാപേക്ഷ തീര്‍പ്പാക്കുകയാണെന്നും പോലിസ് അറസ്റ്റ് ചെയ്താല്‍ ശഫീഖിന് അതിനെതിരേ മജിസ്‌ട്രേറ്റ് കോടതിയെ സമീപിക്കാവുന്നതാണെന്നും ഹൈക്കോടതി വ്യക്തമാക്കി.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക