|    Sep 22 Sat, 2018 3:15 pm
FLASH NEWS

യൂത്ത് കോണ്‍ഗ്രസ് ജലഅതോറിറ്റി ഓഫിസ് ഉപരോധിച്ചു

Published : 20th December 2017 | Posted By: kasim kzm

പെരുമ്പാവൂര്‍: മുടക്കുഴ പഞ്ചായത്തില്‍ പലയിടങ്ങളിലും പൈപ്പുപൊട്ടി കുടിവെള്ളം പാഴാകുന്നതില്‍ പ്രതിഷേധിച്ച് യൂത്ത് കോണ്‍ഗ്രസ് ജലഅതോറിറ്റി ഓഫിസ് ഉപരോധിച്ചു. വേനല്‍ക്കാലമായതോടെ പൈപ്പുപൊട്ടി വെള്ളം പാഴാകുന്നതു മൂലം ഉയര്‍ന്ന പ്രദേശങ്ങളായ പെട്ടമല, തൃക്കേപ്പടി, കറുക്കന്‍പെട്ട എന്നീ സ്ഥലങ്ങളില്‍ വെള്ളം ലഭിക്കില്ല. തുരുമ്പ് പിടിച്ച പൈപ്പ് മാറ്റി സ്ഥാപിക്കണമെന്നാവശ്യപ്പെട്ട് പഞ്ചായത്തിന് പല തവണ നിവേദനം നല്‍കിയെങ്കിലും ഏതാനും പൈപ്പുകള്‍ മാത്രമാണ് മാറ്റി സ്ഥാപിച്ചത്. പഞ്ചായത്ത് വര്‍ഷം തോറും 13 ലക്ഷത്തോളം രൂപ കരമടച്ചിട്ടും പൈപ്പുകള്‍ യഥാസമയം മാറ്റി സ്ഥാപിച്ച് കുടിവെള്ളം നല്‍കാത്തത് ജലങ്ങളോടുള്ള വെല്ലുവിളിയാണെന്ന് യൂത്ത് കോണ്‍ഗ്രസ് ആരോപിച്ചു. ഉപരോധ സമരത്തിന് യൂത്ത് കോണ്‍ഗ്രസ് മണ്ഡലം പ്രസിഡന്റ് എ ടി അജിത്കുമാര്‍, പി പി അവറാച്ചന്‍, ജോഷി തോമസ്, ബിജു ജേക്കബ്, ഷൈമി വര്‍ഗീസ്, പി പി ശിവരാജന്‍, ഷോജ റോയി, പി കെ രാജു നേതൃത്വം നല്‍കി.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss