|    Sep 22 Sat, 2018 4:44 am
FLASH NEWS
Home   >  Todays Paper  >  Page 4  >  

യുവാവിന്റെ മുഖത്ത് ആസിഡ് ഒഴിച്ചു

Published : 18th April 2018 | Posted By: kasim kzm

കൊല്ലം: കൊല്ലം കല്ലുവാതുക്കലില്‍ ഭാര്യാപിതാവ് യുവാവിനെ വെട്ടിപ്പരിക്കേല്‍പ്പിക്കുകയും മുഖത്ത് ആസിഡ് ഒഴിക്കുകയും ചെയ്തു.  അഞ്ചല്‍ കോട്ടുക്കല്‍ രാഗേഷ് ഭവനില്‍ രാഗേഷിനാ(32)ണ് പരിക്കേറ്റത്. ഇദ്ദേഹത്തെ തിരുവനന്തപുരം മെഡിക്കല്‍ കോളജ് ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ചു. രാഗേഷിന്റെ ഭാര്യയുടെ പിതാവ് കല്ലുവാതുക്കല്‍ ആലുവിള ഉത്രം വീട്ടില്‍ അരവിന്ദന്‍ ആണ് ആക്രമണം നടത്തിയത്. കഴിഞ്ഞ ദിവസം രാത്രിയായിരുന്നു സംഭവം. ഗള്‍ഫില്‍നിന്നു മടങ്ങിയെത്തിയ രാഗേഷ് ഭാര്യയുടെ വീട്ടിലെത്തിയപ്പോള്‍ അരവിന്ദനുമായി വഴക്കുണ്ടായി. തുടര്‍ന്ന് അരവിന്ദന്‍ റബര്‍ വെട്ടുന്ന കത്തിയെടുത്തു കാലിനു വെട്ടുകയും മുഖത്തേക്ക് ആസിഡ് ഒഴിക്കുകയുമായിരുന്നുവെന്നു പോലിസ് പറഞ്ഞു. രാഗേഷിന്റെ ഒരു കണ്ണിന്റെ കാഴ്ച പൂര്‍ണമായും നഷ്ടപ്പെട്ടു. അരവിന്ദന്‍ ഒളിവിലാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss