|    Apr 27 Fri, 2018 12:53 am
FLASH NEWS

യുവാവിന്റെ മരണം മാട്ടൂലിനെ ദുഃഖത്തിലാഴ്ത്തി

Published : 29th February 2016 | Posted By: SMR

മാട്ടൂല്‍: മാട്ടൂലിലും പരിസരപ്രദേശങ്ങളിലും ജീവകാരുണ്യപ്രവര്‍ത്തനങ്ങളിലും സാമൂഹിക പ്രവര്‍ത്തനങ്ങളിലും സജീവമായിരുന്ന യുവാവിന്റെ ആകസ്മിക മരണം നാടിനെ ദുഃഖത്തിലാഴ്ത്തി. മാട്ടൂല്‍ സര്‍വീസ് ബാങ്കിനു സമീപം ചോമ്പ കടവത്ത് സി കെ മുഹമ്മദ് ശബീബിന്റെ മരണമാണ് നാടിനെ നൊമ്പരത്തിലാഴ്ത്തിയത്. പോപുലര്‍ ഫ്രണ്ട് യൂനിറ്റ് ഭാരവാഹിയും എസ്ഡിപിഐയുടെ സജീവപ്രവര്‍ത്തകനുമായിരുന്ന ശബീബ് കുവൈത്തില്‍ ജോലി ചെയ്തു വരികയായിരുന്നു.
മൂന്നുമാസം മുമ്പ് നാട്ടിലേക്കു വരാനിരിക്കെയാണ് അര്‍ബുദരോഗം പിടിപെട്ടത്. തുടര്‍ന്ന് ഒറ്റപ്പാലത്തും കരിപ്പൂരിലും ചികില്‍സ നടത്തിയെങ്കിലും ഇന്നലെ വൈകീട്ടോടെ വീട്ടിലെത്തിച്ചു. മണിക്കൂറുകള്‍ക്കകമാണ് മരണപ്പെട്ടത്. എസ്ഡിപിഐയെ നവസാമൂഹിക മാധ്യമങ്ങളായ ഫേസ്ബുക്കിലൂടെയും വാട്‌സ് ആപ്പിലൂടെയും പരിചയപ്പെടുത്തുന്നതി ല്‍ നിര്‍ണായക പങ്ക് വഹിച്ചിരുന്നു. എസ്ഡിപിഐ കേരളം ഗ്രൂപ്പ് സ്ഥാപക അഡ്മിന്‍, എസ്ഡിപിഐ കണ്ണൂര്‍ അഡ്മിന്‍ എന്നീ നിലകളിലൂടെയും മാടായി ഗ്രാമം എന്ന പ്രാദേശിക ഗ്രൂപ്പിലൂടെയും നിരന്തരം സംവദിച്ചു.
മുട്ടം, മാടായി മേഖലയെ അര്‍ബുദ രോഗികളാക്കുന്ന ചൈനാക്ലേയിലെ മാലിന്യനിക്ഷേപത്തിനെതിരേ സൈബര്‍ ലോകത്ത് വ്യത്യസ്തമായ രീതിയില്‍ നിരന്തരം പോസ്റ്റുകളിറക്കി സംവദിക്കുന്ന ശീലമുണ്ടായിരുന്നു. യുവാവിന്റെ വിയോഗവിവരമറിഞ്ഞ് നിരവധി പേരാണ് വീട്ടിലെത്തിയത്.
ഖബറടക്കം ഇന്നു രാവിലെ 9നു ജാറം ജുമാമസ്ജിദ് ഖബര്‍സ്ഥാനില്‍ നടക്കുമെന്ന് ബന്ധുക്കള്‍ അറിയിച്ചു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Dont Miss