|    Jan 19 Thu, 2017 5:55 am
FLASH NEWS

യുവാവിന്റെ മരണം: പിക്കപ്പ് വാന്‍ ഡ്രൈവര്‍ അറസ്റ്റില്‍

Published : 24th January 2016 | Posted By: SMR

റാന്നി: അടിച്ചിപ്പുഴ നിരപ്പുപാറയില്‍ റോഡരികില്‍ സോമന്‍ എന്നയാള്‍ ദുരൂഹസാഹചര്യത്തി ല്‍ മരിച്ചത് വാഹനാപകടം മൂലമാണെന്ന് പോലിസ് കണ്ടെത്തി.
സംഭവവുമായി ബന്ധപ്പെട്ട് പിക്കപ്പ് വാന്‍ െ്രെഡവര്‍ അടിച്ചിപ്പുഴ ഇലവുങ്കല്‍ ബിനോയി (28) യെ അറസ്റ്റ്‌ചെയ്തു. നിരപ്പുപാറ വാത്മീകി മഠത്തില്‍ സോമനെ (47)യാണ് വ്യാഴാഴ്ച രാവിലെ നിരപ്പുപാറയില്‍ മരിച്ച നിലയില്‍ കണ്ടത്. പോസ്റ്റുമോര്‍ട്ടം പരിശോധനയില്‍ ഇരുവശത്തെയും താഴ്ഭാഗത്തുള്ള മുന്ന് വാരിയെല്ലുകള്‍ പൊട്ടിയതാണ് മരണകാരണമെന്ന് വ്യക്തമായി.
തുടര്‍ന്ന് സിഐ അബ്ദുല്‍ റഹിമിന്റെ നേതൃത്വത്തില്‍ നടത്തിയ അന്വേഷണത്തിലാണ് സോമന്‍ പിക്കപ്പ് വാന്‍ ഇടിച്ചാണ് മരിച്ചതെന്ന് കണ്ടെത്തിയത്. ബുധനാഴ്ച രാത്രിയില്‍ ബിജോയി ഓടിച്ച പിക്കപ്പ് വാന്‍ പിന്നോട്ട് എടുത്തപ്പോഴാണ് സോമനെ ഇടിച്ചതെന്ന് പോലിസ് പറഞ്ഞു.
സോമന്‍ മരിച്ചെന്ന് മനസ്സിലാക്കിയ ബിജോയി മൃതദേഹം റോഡരികിലേക്ക് മാറ്റിയിട്ടശേഷം ആരോടും പറയാതെ സ്ഥലംവിട്ടു. വാഹനം കസ്റ്റഡിയിലെടുത്ത് ശാസ്ത്രീയ പരിശോധനയ്ക്ക് വിധേയമാക്കിയതായി പോലിസ് പറഞ്ഞു. എസ്‌ഐ സാം ടി ശാമുവേല്‍, എഎസ്‌ഐ സിദ്ദിഖ്, സിപിഒ മാത്യു എബ്രഹാം, ഷാഡോ ടീമിലെ ബിജു മാത്യു എന്നിവരടങ്ങിയ അന്വേഷണസംഘമാണ് മരണം അപകടമാണെന്ന് കണ്ടെത്തിയത്.

Share on FacebookShare on Google+Tweet about this on TwitterShare on LinkedIn
(Visited 74 times, 1 visits today)
                     
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക