|    Mar 30 Thu, 2017 12:32 am
FLASH NEWS

യുവാവിന്റെ മരണം: ക്രൈംബ്രാഞ്ച് അന്വേഷണത്തിന് ഉത്തരവ്

Published : 11th March 2016 | Posted By: SMR

കൊച്ചി: അമിത മദ്യപാനത്തിനു ചികിത്സ തേടി ആശുപത്രിയിലാക്കിയ യുവാവ് ദുരൂഹ സാഹചര്യത്തില്‍ മരിച്ചതിനെക്കുറിച്ച് െ്രെകംബ്രാഞ്ച് അന്വേഷിക്കാന്‍ ഹൈക്കോടതി ഉത്തരവ്. മാള ഐരാണിക്കുളം സ്വദേശി സൗരാജിന്റെ മരണം അന്വേഷിക്കണമെന്നാവശ്യപ്പെട്ട് ഭാര്യ മീര നല്‍കിയ ഹരജിയില്‍ ജസ്റ്റിസ് ബി. കെമാല്‍പാഷയുടെതാണ് ഉത്തരവ്. 2001 ജൂണ്‍ 28നാണ് സൗരാജിനെ ചികിത്സയ്ക്കായി തൊടുപുഴ പൈങ്കുളം എസ്എച്ച് ആശുപത്രിയില്‍ പ്രവേശിപ്പിച്ചത്. തൊട്ടടുത്ത ദിവസം അബോധാവസ്ഥയിലായ സൗരാജിനെ മറ്റു ചില ആശുപത്രികളില്‍ കാണിച്ചെങ്കിലും അവിടെയൊന്നും പ്രവേശിപ്പിച്ചില്ല. പിന്നീട് കളമശ്ശേരി മെഡിക്കല്‍ കോളജിലേക്ക് കൊണ്ടുവന്നു. ഇവിടെ വച്ച് 2007 ആഗസ്ത് 28 ന് സൗരാജ് മരിച്ചു. സൗരാജിന്റെ ശരീരത്തില്‍ എട്ടു പരിക്കുകളുണ്ടായിരുന്നതായി പോസ്റ്റ് മോര്‍ട്ടത്തില്‍ കണ്ടെത്തിയിരുന്നു. അബോധാവസ്ഥയിലായ സൗരാജിനെ വീട്ടുകാരോടു പറയാതെയാണ് മറ്റ് ആശുപത്രികളിലേക്ക് കൊണ്ടുപോയതെന്നും ശാരീരികോപദ്രവത്തെ തുടര്‍ന്നാണ് സൗരാജിന് പരിക്കേറ്റതെന്നും ഹരജിയില്‍ പറയുന്നു.

thanur-inner                            
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day