|    May 28 Mon, 2018 4:43 am
FLASH NEWS
Home   >  Todays Paper  >  page 7  >  

യുവാവിനെ വെട്ടിനുറുക്കി; ഭാര്യയടക്കം നാലുപേര്‍ അറസ്റ്റില്‍

Published : 10th May 2018 | Posted By: kasim kzm

പനാജി: ഭര്‍ത്താവിനെ കൊന്നു കഷണങ്ങളാക്കി വനത്തില്‍ ഉപേക്ഷിച്ചു. സംഭവവുമായി ബന്ധപ്പെട്ട് ഭാര്യയടക്കം നാലു പേരെ പോലിസ് അറസ്റ്റ് ചെയ്തു. തൊഴിലാളിയായ ബസവ് രാജ് ബസു (38)വിനെയാണു ഭാര്യ കല്‍പന ബസു (31) തര്‍ക്കത്തെ തുടര്‍ന്ന് കൊലപ്പെടുത്തിയത്. മൂന്നു കൂട്ടുകാരുടെ സഹായത്തോടെയാണ് ഇവര്‍ മൃതദേഹം കഷണങ്ങളാക്കി വനത്തില്‍ ഉപേക്ഷിച്ചതെന്നു പോലിസ് അറിയിച്ചു. ഒരു മാസം മുമ്പാണ് കൊലപാതകം നടന്നത്. പ്രതികളിലൊരാളുടെ പെരുമാറ്റത്തില്‍ സംശയം തോന്നിയ അയാളുടെ ഭാര്യ പോലിസില്‍ വിവരമറിയിച്ചതിനെ തുടര്‍ന്നാണ് കൊലപാതകം പുറത്തായത്. സുരേഷ് കുമാര്‍, അബ്ദുല്‍ കരീം ശെയ്ഖ്, പങ്കജ് പവാര്‍ എന്നിവരാണ് അറസ്റ്റിലായ പ്രതികള്‍. ഇവര്‍ പോലിസിനോട് കുറ്റം സമ്മതിച്ചു. മൃതദേഹത്തിന്റെ അവശിഷ്ടങ്ങള്‍ പോലിസ് രാസപരിശോധനയ്ക്ക് അയച്ചിട്ടുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss