|    Jul 18 Wed, 2018 2:28 pm
FLASH NEWS

യുവാവിനെ ചുറ്റിക കൊണ്ടടിച്ച സംഭവം: പ്രതി ബന്ധുവാണെന്ന് സൂചന

Published : 8th April 2018 | Posted By: kasim kzm

കേച്ചേരി: പട്ടാപകല്‍ കേച്ചേരിയില്‍ യുവാവിനെ തലയില്‍ ചുറ്റിക കൊണ്ടടിച്ച സംഭവത്തില്‍ പോലിസ് ബന്ധുവിനെ തിരയുന്നു.
തണ്ടിലം വെള്ളാറ്റഞ്ഞൂര്‍ പടിഞ്ഞാറൂട്ടയില്‍ രവീന്ദ്രന്റെ മകന്‍ കൊള്ളി രാജേഷിനാണ് (33) വെള്ളിയാഴ്ച്ച രാവിലെ 11 മണിക്ക് സ്‌നേഹമാളിക ഓഡിറ്റോറിയത്തിന് സമീപത്ത് വെച്ച് ചുറ്റിക കൊണ്ടുള്ള അടിയേറ്റത്.
രാജേഷിന്റെ ബന്ധുവായ ഞാലിക്കര സ്വദേശിയെയാണ് സംഭവവുമായി ബന്ധപ്പെട്ട് പോലീസ് തിരയുന്നത്.
ആക്ടീവ സ്‌കൂട്ടറില്‍ ഹെല്‍മെറ്റ് ധരിച്ച് എത്തിയ യുവാവ് രാജേഷിനെ ചുറ്റിക കൊണ്ട് തലക്കടിച്ച് വീഴ്ത്തുകയും തുടര്‍ന്ന് ഇരു കാല്‍ മുട്ടുകളും പാദങ്ങളും ചുറ്റിക കൊണ്ടടിച്ച് തകര്‍ക്കുകയും ചെയ്യുന്ന ദൃശ്യങ്ങള്‍ സമീപത്തെ സിസിടിവി ക്യാമറയില്‍ പതിഞ്ഞിരുന്നു.ഞാലിക്കര സ്വദേശിയായ യുവാവിന്റെ ഭാര്യയുമായി ബന്ധമുണ്ടായിരുന്ന യുവാവിനെ സഹായിച്ചതാണ് പ്രകോപനത്തിന് കാരണമെന്ന് മുളങ്കുന്നത്ത് കാവ് മെഡിക്കല്‍ കോളേജില്‍ ചികില്‍സയിലുള്ള രാജേഷ് കുന്നംകുളം പോലിസിന് നല്‍കിയ മൊഴിയില്‍ വ്യക്തമാക്കുന്നുണ്ട്.
ഞാലിക്കര സ്വദേശിയായ യുവാവിനെ പ്രതിയാക്കി പോലീസ് കേസെടുത്തു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss