|    Dec 13 Wed, 2017 9:09 am

യുവാക്കളുടെ അപകടമരണം; നടുക്കം മാറാതെ വളാഞ്ചേരി

Published : 25th April 2016 | Posted By: SMR

വളാഞ്ചേരി: പാതയോരത്ത് ബൈക്കുകള്‍ നിര്‍ത്തിയിട്ട് സംസാരിക്കുന്നതിനിടയില്‍ ചരക്ക് ലോറി പാഞ്ഞുകയറി മൂന്നു യുവാക്കള്‍ മരിച്ച സംഭവം വളാഞ്ചേരിയെ ദു:ഖത്തിലാഴ്ത്തി.
ഇന്നലെ പുലര്‍ച്ചെ 4.30ന് കോട്ടപ്പുറം ജുമാമസ്ജിദിന് സമീപമാണ് നാടിനെ കണ്ണീരിലാഴ്ത്തിയ ദുരന്തമുണ്ടായത്. വളാഞ്ചേരി ടൗണിലെ വിവിധ കടകളില്‍ ജോലി ചെയ്യുന്നവരാണ് മരണപ്പെട്ടത്.
അപകട വാര്‍ത്തയറിഞ്ഞ് എത്തിയവരെകൊണ്ട് ആശുപത്രിയും പരിസരവും വീര്‍പ്പുമുട്ടി. മരണപ്പെട്ടവരെ ഒരു നോക്കു കാണാനും ആളുകളെ തിരിച്ചറിയാനും ജനങ്ങള്‍ തിരക്ക് കൂട്ടിയത് ആശുപത്രി അധികൃതരെയും കുഴക്കി. മരിച്ച മൂന്നുപേരും സുഹൃത്തുക്കളാണ്. പലരും ആശുപത്രിയില്‍ വിങ്ങിപ്പൊട്ടുന്നുണ്ടായിരുന്നു. നംഷാദിന്റെയും റംഷീഖിന്റെയും മൃതദേഹങ്ങള്‍ ഉച്ചയ്ക്ക് രണ്ടരയോടെ കോട്ടപ്പുറം ജുമാമസ്ജിദ് ഖബര്‍ സ്ഥാനില്‍ മറവ് ചെയ്തു. ഫാസിലിന്റെ മൃതദേഹം നാലുമണിയോടെ വളാഞ്ചേരി കിഴക്കെക്കര ജുമാ മസ്ജിദിലാണ് ഖബറടക്കിയത്. ഖബറടകത്തിലും മരണവീടുകളിലും ജനനിബിഡമായിരുന്നു. സ്ഥാനാര്‍ഥികളായ ഡോ. കെ ടി ജലീല്‍ എംഎല്‍എ, കെ ആബിദ് ഹുസൈന്‍ തങ്ങള്‍, എന്‍ മമ്മുട്ടി എന്നിവര്‍ ആശുപത്രിയിലെത്തിയിരുന്നു.

വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക