|    Nov 21 Wed, 2018 8:00 pm
FLASH NEWS
Home   >  Todays Paper  >  Page 4  >  

യുവമോര്‍ച്ചാ പ്രവര്‍ത്തകര്‍ പിടിയില്‍

Published : 18th July 2018 | Posted By: kasim kzm

തിരുവനന്തപുരം: ശശി തരൂര്‍ എംപിയുടെ ഓഫിസ് ആക്രമിച്ച കേസില്‍ അഞ്ച് യുവമോര്‍ച്ചാ പ്രവര്‍ത്തകരെ പോലിസ് അറസ്റ്റ് ചെയ്തു. കന്റോണ്‍ മെ ന്റ് പോലിസാണ് അറസ്റ്റ് ചെ യ്തത്. മനു (25), അഖില്‍ എസ് നായര്‍ (28), ഗോവിന്ദ് (29), വിഷ്ണു (28), ഹരികൃഷ്ണന്‍ (27) എന്നിവരെയാണ് അറസ്റ്റ് ചെയ്തത്. ജാമ്യം ലഭിക്കത്തക്ക കുറ്റമാണ് ഇവരുടെ മേല്‍ ചുമത്തിയിരിക്കുന്നത്. ഉച്ചയ്ക്ക് രണ്ടുമണിയോടെ പിടികൂടിയ അഞ്ചുപേരെയും ജാമ്യത്തി ല്‍ വിട്ടതായി കന്റോണ്‍മെന്റ് പോലിസ് അറിയിച്ചു. സംഭവത്തില്‍ എട്ടുപേര്‍ക്കെതിരേ കേസെടുത്തിരുന്നു.
ഹിന്ദു പാകിസ്താന്‍ പരാമര്‍ശത്തില്‍ പ്രതിഷേധിച്ച് യുവമോര്‍ച്ചാ പ്രവര്‍ത്തകര്‍ കഴിഞ്ഞ ദിവസം ശശി തരൂരിന്റെ ഓഫിസിനു നേരെ കരിഓയില്‍ ഒഴിക്കുകയും ഓഫിസിനു മുന്നില്‍ റീത്ത് വച്ച് പ്രതിഷേധിക്കുകയും ചെയ്തിരുന്നു. പരാമര്‍ശം പിന്‍വലിച്ച് മാപ്പുപറയണമെന്നാവശ്യപ്പെട്ടായിരുന്നു യുവമോര്‍ച്ചാ പ്രവര്‍ത്തകരുടെ പ്രതിഷേധം. പുതിയ സംഭവവികാസങ്ങളുടെ പശ്ചാത്തലത്തില്‍ ശശി തരൂരിന്റെ സുരക്ഷ വര്‍ധിപ്പിക്കാന്‍ പോലിസ് തീരുമാനിച്ചു. യാത്രകളില്‍ അദ്ദേഹത്തിന് പോലിസ് വാഹനത്തിന്റെ അകമ്പടി അനുവദിക്കുമെന്നും പോലിസ് അറിയിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss