|    Oct 19 Fri, 2018 1:33 am
FLASH NEWS
Home   >  Kerala   >  

യുവതിയുമായി മണിക്കൂറുകള്‍ ചിലവഴിക്കുന്നു,ആകാശ് തില്ലങ്കേരിക്ക് ജയിലില്‍ വഴിവിട്ട സഹായം;ആരോപണവുമായി കെ സുധാകരന്‍

Published : 23rd March 2018 | Posted By: mi.ptk

കണ്ണൂര്‍: യൂത്ത് കോണ്‍ഗ്രസ് പ്രവര്‍ത്തകന്‍ ശുഹൈബിനെ
വെട്ടികൊലപ്പെടുത്തിയ കേസില്‍ ജയിലില്‍ കഴിയുന്ന പ്രധാനപ്രതി ആകാശ് തില്ലങ്കേരിക്ക് പോലീസ് വഴിവിട്ട സഹായം ചെയ്യുന്നതായി കോണ്‍ഗ്രസ് നേതാവ് കെ സുധാകരന്‍. കണ്ണൂര്‍ സ്‌പെഷ്യല്‍ സബ്ജയിലില്‍ ആകാശ് തില്ലങ്കേരിക്ക് കൂത്തുപറമ്പ് സ്വദേശിനിയായ യുവതിയുമായി മണിക്കൂറുകള്‍ ചിലവഴിക്കാന്‍ അവസരം നല്‍കുന്നതായി സുധാകരന്‍ ആരോപിച്ചു. ഇക്കാര്യം ആരോപിച്ച് സുധാകരന്‍ ജയില്‍ ഡിജിപിക്ക് പരാതി നല്‍കി.

യുവതിയുമായി പ്രതി ആകാശ് തില്ലങ്കേരിക്ക് പകല്‍ മുഴുവന്‍ കൂടിക്കാഴ്ചക്ക് അവസരം നല്‍കിയെന്നും ശുഹൈബ് വധക്കേസ് പ്രതികളുടെ സെല്‍ പൂട്ടാറില്ലെന്നും സുധാകരന്‍ ആരോപിച്ചു. 3 ദിവസങ്ങളില്‍ ആയി പലതവണ യുവതിക്ക് കൂടിക്കാഴ്ചക്ക് അവസരം നല്‍കിയെന്നും ആരോപണം. പ്രതികളെ സിപിഎമ്മില്‍ നിന്നും പുറത്താക്കിയത് ജനങ്ങളുടെ കണ്ണില്‍ പൊടിയിടാനാണ്. സിപിഎമ്മിന്റെ എല്ലാ വിധ പിന്തുണയും ഭരണത്തിന്റെ തണലില്‍ പ്രതികള്‍ക്ക് ലഭിക്കുന്നുണ്ടെന്നും സുധാകരന്‍ ആരോപിച്ചു.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss