|    May 20 Sun, 2018 11:11 pm
Home   >  Todays Paper  >  page 7  >  

യുപി: ശിയാ ബോര്‍ഡ് അംഗങ്ങളെ പുറത്താക്കിയത് കോടതി റദ്ദാക്കി

Published : 24th June 2017 | Posted By: fsq

 

ലഖ്‌നോ: ശിയാ വഖ്ഫ് ബോര്‍ഡിലേക്ക് നാമനിര്‍ദേശം ചെയ്യപ്പെട്ട ആറ് അംഗങ്ങളെ പുറത്താക്കിയ ഉത്തര്‍പ്രദേശ് സര്‍ക്കാരിന്റെ ഉത്തരവ് അലഹബാദ് ഹൈക്കോടതി റദ്ദാക്കി. ജസ്റ്റിസ് രാജന്‍ റോയിയും എസ് എന്‍ അഗ്നിഹോത്രിയും അടങ്ങുന്ന അവധിക്കാല ബെഞ്ചാണ് സര്‍ക്കാര്‍ ഉത്തരവ് റദ്ദാക്കിയത്. 1995ലെ വഖ്ഫ് നിയമപ്രകാരം പുറത്താക്കപ്പെട്ടവരുടെ ഭാഗം കേള്‍ക്കേണ്ടത് നിര്‍ബന്ധമാണെന്നും എന്നാല്‍, സര്‍ക്കാര്‍ അത് പാലിച്ചിട്ടില്ലെന്നും കോടതി ചൂണ്ടിക്കാട്ടി. വഖ്ഫ് സ്വത്തുക്കളിലെ ക്രമക്കേടില്‍ പങ്കുണ്ടെന്ന് ചൂണ്ടിക്കാട്ടിയാണ് ആറ് അംഗങ്ങളെ ഈ മാസം 16ന് സര്‍ക്കാര്‍ പുറത്താക്കിയത്. അക്തര്‍ ഹസന്‍ റിസ്‌വി, സയ്യിദ് വാലി ഹൈദര്‍, അഷ്ഫ സെയ്ദി, മൗലാനാ ആസിം ഹുസയ്ന്‍ സെയ്ദി, ആലിമ സെയ്ദി, നജ്മുല്‍ ഹസന്‍ റിസ്‌വി, എന്നിവരെയാണ് പുറത്താക്കിയിരുന്നത്. ഇതിനെ ചോദ്യം ചെയ്താണ് അവര്‍ കോടതിയെ സമീപിച്ചത്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss