|    Sep 26 Wed, 2018 7:56 pm
FLASH NEWS
Home   >  Todays Paper  >  page 7  >  

യുപി: വിരമിച്ച പോലിസ് ഉദ്യോഗസ്ഥനെആളുകള്‍ നോക്കിനില്‍ക്കെ തല്ലിക്കൊന്നു

Published : 5th September 2018 | Posted By: kasim kzm

ലക്‌നോ: ഉത്തര്‍പ്രദേശില്‍ വിരമിച്ച പോലിസ് ഉദ്യോഗസ്ഥനെ നിരവധി പേര്‍ നോക്കിനില്‍ക്കെ തല്ലിക്കൊന്നു. 70കാരനായ അബ്ദുസ്സമദ് ഖാനാണു കൊല്ലപ്പെട്ടത്. മൂന്നുപേര്‍ ചേര്‍ന്നാണ് ഇദ്ദേഹത്തെ കൊലപ്പെടുത്തിയത്. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. മര്‍ദനത്തെ തുടര്‍ന്ന് അവശനായ ഇദ്ദേഹം ബോധരഹിതനാവുകയും ശരീരത്തിലെ മുറിവുകളില്‍ നിന്ന് രക്തം വാര്‍ന്നൊലിക്കുന്നതും ദൃശ്യങ്ങളില്‍ കാണാം. ഒരു കൈ ഒടിഞ്ഞുതൂങ്ങിയിരുന്നു. എന്നിട്ടും ഇദ്ദേഹത്തെ റോഡിലൂടെ പോയ ഒരാളും തിരിഞ്ഞുനോക്കിയില്ല. തിങ്കളാഴ്ച രാവിലെ ഖാന്‍ സൈക്കിളില്‍ യാത്ര ചെയ്യവേയാണ് അക്രമികള്‍ ഇദ്ദേഹത്തെ മര്‍ദിച്ചത്. ചുവന്ന ഷര്‍ട്ടു ധരിച്ചെത്തിയ ഒരാളാണ് ആദ്യം തല്ലിയത്. ഇതിനിടെ രണ്ടുപേര്‍ കൂടിയെത്തി ഇദ്ദേഹത്തെ മര്‍ദിക്കുകയായിരുന്നു. നിലത്തുവീണ ഖാന്‍ എതിര്‍ക്കാന്‍ നോക്കിയെങ്കിലും റോഡിലേക്ക് മറിഞ്ഞുവീഴുകയും അക്രമികള്‍ മര്‍ദനം തുടരുകയുമായിരുന്നു. സമീപത്തെ കെട്ടിടത്തിന്റെ മുകളില്‍ നിന്ന് ഒരാള്‍ ഇതെല്ലാം കാണുന്നുണ്ടായിരുന്നു. ഇതും ദൃശ്യങ്ങളില്‍ കാണാം. സൈക്കിളിലും റോഡിലൂടെ കടന്നുവന്ന വാഹനങ്ങളിലുള്ളവരും കാണാത്തമട്ടില്‍ കടന്നുപോവുകയായിരുന്നു. അക്രമികളില്‍ ഒരാള്‍ നേരത്തെ ജയില്‍ശിക്ഷ അനുഭവിച്ച ക്രിമിനല്‍ പശ്ചാത്തലമുള്ളയാളാണ്. ഖാനെ പിന്നീട് ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.

 

 

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss