|    May 22 Tue, 2018 2:03 am
Home   >  Todays Paper  >  page 7  >  

യുപിയില്‍ പ്രായപൂര്‍ത്തിയാവാത്ത പെണ്‍കുട്ടികളെ ജയിലിലടച്ചു

Published : 2nd January 2018 | Posted By: kasim kzm

മുസഫര്‍നഗര്‍: പശുവിനെ കൊന്നുവെന്നാരോപിച്ച് ഉത്തര്‍പ്രദേശില്‍ പ്രായപൂര്‍ത്തിയാവാത്ത രണ്ടു പെണ്‍കുട്ടികളെ പോലിസ് ജയിലിലടച്ചു. പന്ത്രണ്ടും പതിനാറും വയസ്സുള്ള പെണ്‍കുട്ടികളെയാണ് ജയിലിലടച്ചത്. ഇവരെ ജുവനൈല്‍ ജസ്റ്റിസ് ബോര്‍ഡിനു മുന്നില്‍ ഹാജരാക്കുന്നതിനു പകരം ജില്ലാ കോടതിയില്‍ ഹാജരാക്കുകയായിരുന്നു. പ്രായപൂര്‍ത്തിയായവരാണെന്നു തെറ്റിദ്ധരിപ്പിച്ചാണ് കോടതിയില്‍ ഹാജരാക്കിയത്.മുസഫര്‍നഗറിലെ ഖതൌലിയില്‍ വെള്ളിയാഴ്ചയാണ് സംഭവം. പശുവിനെ കൊന്നുവെന്നാരോപിച്ചു പെണ്‍കുട്ടികളുടെ പിതാവ് നസിമുദ്ദീനെയും മാതാവിനെയുമടക്കം ഒമ്പതുപേരെയാണ് പോലിസ് അറസ്റ്റ് ചെയ്തത്. തുടര്‍ന്ന്, മറ്റുള്ളവര്‍ക്കൊപ്പം പെണ്‍കുട്ടികളെയും ജില്ലാ കോടതിയില്‍ ഹാജരാക്കുകയായിരുന്നുവെന്നു നാട്ടുകാര്‍ പറഞ്ഞു. പ്രായപൂര്‍ത്തിയായവരാണെന്നു പറഞ്ഞാണ് കോടതിയില്‍ ഹാജരാക്കിയത്. എന്നാല്‍, ഇവരുടെ ആധാര്‍ കാര്‍ഡില്‍ 2001, 2005 വര്‍ഷങ്ങളിലാണ് ജനനമെന്നാണ് രേഖപ്പെടുത്തിയിട്ടുള്ളത്.ജുവൈനല്‍ ജസ്റ്റിസ് നിയമപ്രകാരം പ്രായപൂര്‍ത്തിയാവാത്തവരെ വിലങ്ങ് അണിയിക്കരുതെന്നും ജയിലിലടയ്ക്കരുതെന്നുമുള്ള നിയമം പാലിക്കപ്പെട്ടില്ല. സംഭവത്തെ തുടര്‍ന്ന് പ്രദേശവാസികള്‍ പോലിസ് സ്‌റ്റേഷനു മുന്നില്‍ തടിച്ചുകൂടി. എന്നാല്‍, അറസ്റ്റിലായവരെല്ലാം കുറ്റം ചെയ്തിട്ടുണ്ടെന്ന നിലപാടിലുറച്ചു നില്‍ക്കുകയാണ് പോലിസ്. ഇവരുടെ പക്കല്‍ നിന്ന് ഇറച്ചിയും കശാപ്പിന് ഉപയോഗിക്കുന്ന ഉപകരണങ്ങളും കന്നുകാലികളെയും കണ്ടെത്തിയെന്നാണ് പോലിസ് അവകാശപ്പെടുന്നത്. പെണ്‍കുട്ടികളെ കൂടാതെ മൂന്നു സ്ത്രീകളും അറസ്റ്റ് ചെയ്തവരുടെ കൂട്ടത്തിലുണ്ട്.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss