|    Apr 30 Sun, 2017 10:44 am
FLASH NEWS

യുഡിഎഫ് യോഗം ഇന്ന് ; മാണി മുഖ്യ അജണ്ട

Published : 21st April 2017 | Posted By: fsq

 

തിരുവനന്തപുരം: യുഡിഎഫ് ഏകോപന സമിതി യോഗം 21നു രാവിലെ 10നു പ്രതിപക്ഷ നേതാവിന്റെ ഔദ്യോഗിക വസതിയായ കന്റോണ്‍മെന്റ് ഹൗസില്‍ ചേരും. മാണിയുടെ മുന്നണിപ്രവേശനവും മൂന്നാറുമാണ് പ്രധാന അജണ്ട. കഴിഞ്ഞ ദിവസം ചേര്‍ന്ന കെപിസിസി ഏകോപന സമിതി യോഗത്തിലും കേരളാ കോണ്‍ഗ്രസ്സിനെ മുന്നണിയിലേക്കു തിരികെ എത്തിക്കുന്നതിനെക്കുറിച്ചായിരുന്നു ചര്‍ച്ച. പാര്‍ട്ടിയിലെ ചില നേതാക്കള്‍ എതിര്‍പ്പുയര്‍ത്തിയെങ്കിലും മാണിയെ യുഡിഎഫിലേക്ക് തിരികെയെത്തിക്കണമെന്നായിരുന്നു കെപിസിസി യോഗത്തില്‍ ഉയര്‍ന്ന പൊതുവികാരം. ഇതിന്റെ പശ്ചാത്തലത്തില്‍ ഇന്നു ചേരുന്ന യുഡിഎഫ് യോഗം വിഷയം ഗൗരവമായി പരിഗണിക്കും. മാണിയെ യുഡിഎഫിലേക്കു എത്തിക്കുന്നതിനു മുന്‍കൈയെടുക്കുമെന്ന് മുസ്‌ലിംലീഗ് വ്യക്തമാക്കിയിരുന്നു. കുഞ്ഞാലിക്കുട്ടിയെ മധ്യസ്ഥനാക്കി കേരളാ കോണ്‍ഗ്രസ്സുമായി ചര്‍ച്ച നടത്താനായിരിക്കും യുഡിഎഫിന്റെ നീക്കം. ഇതുസംബന്ധിച്ച് ഇന്ന് ചര്‍ച്ച ചെയ്യും. ഇതോടൊപ്പം മൂന്നാര്‍ കൈയേറ്റ ഒഴിപ്പിക്കലുമായി ബന്ധപ്പെട്ട് ഉയര്‍ന്ന വിവാദങ്ങളും മുന്നണി പരിഗണിക്കും.

                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day