|    Feb 23 Fri, 2018 8:22 am
FLASH NEWS
Home   >  Todays Paper  >  Page 4  >  

യുഡിഎഫ് കാലത്തെ മന്ത്രിമാരുടെ ഹെലികോപ്റ്റര്‍ യാത്രാവിവരം ലഭ്യമല്ലെന്ന്

Published : 15th February 2018 | Posted By: kasim kzm

കൊച്ചി: യുഡിഎഫ് സര്‍ക്കാരിന്റെ കാലത്ത് മുഖ്യമന്ത്രിയും മന്ത്രിമാരും ഹെലികോപ്റ്റര്‍ യാത്ര നടത്തിയ വിവരങ്ങള്‍ ലഭ്യമല്ലെന്ന് പൊതുഭരണവകുപ്പ്.
വിവരാവകാശപ്രവര്‍ത്തകന്‍ രാജു വാഴക്കാല വിവരാവകാശ നിയമപ്രകാരം നല്‍കിയ അപേക്ഷയ്ക്കു മറുപടിയായിട്ടാണ് പൊതുഭരണ പൊളിറ്റിക്കല്‍ വകുപ്പും പൊതുഭരണ (സ്ട്രിക്റ്റ്‌ലി കോണ്‍ഫിഡന്‍ഷ്യല്‍)വകുപ്പും മറുപടി നല്‍കിയിരിക്കുന്നത്. 2011-16 കാലഘട്ടത്തില്‍ യുഡിഎഫ് മന്ത്രിസഭയിലെ മുഖ്യമന്ത്രി ഉമ്മന്‍ചാണ്ടിയും മറ്റു മന്ത്രിമാരും ഹെലികോപ്റ്റര്‍ യാത്ര നടത്തിയിട്ടുണ്ടോ? ഹെലികോപ്റ്റര്‍ യാത്രയ്ക്ക് എത്ര രൂപ ചെലവഴിച്ചു, ഒരോരുത്തരും ചെലവഴിച്ച തുകയെത്ര എന്നിങ്ങനെയായിരുന്നു വിവരാവകാശാ നിയമപ്രകാരം ചോദിച്ചത്. എന്നാല്‍ അപേക്ഷയിലെ കാര്യം സംബന്ധിച്ച വിവരം ഈ വകുപ്പില്‍ ലഭ്യമല്ലെന്നായിരുന്നു പൊതുഭരണവകുപ്പ് അഡീഷനല്‍ സെക്രട്ടറി ബി വി എസ് മണി നല്‍കിയ മറുപടി.
വിഷയം പൊതുഭരണ(പൊളിറ്റിക്കല്‍)വകുപ്പുമായി ബന്ധപ്പെട്ടതാണെന്നും മറുപടിയില്‍ വ്യക്തമാക്കിയിരുന്നു. എന്നാ ല്‍ പൊതുഭരണവകുപ്പും വിഷയത്തില്‍ കൈയൊഴിയുകയാണ് ചെയ്തത്. ഹെലികോപ്റ്റര്‍ യാത്ര സംബന്ധിച്ച വിശദാംശങ്ങളൊന്നും ഈ വകുപ്പില്‍ ക്രോഡീകരിച്ച് സൂക്ഷിച്ചിട്ടില്ലെന്നും അതിനാല്‍ വിവരം ലഭ്യമാക്കാന്‍ നിര്‍വാഹമില്ലെന്നുമായിരുന്നു പൊതുഭരണ പൊളിറ്റിക്കല്‍ വകുപ്പ് അണ്ടര്‍ സെക്രട്ടറി എ പി രാജീവന്‍ നല്‍കിയ മറുപടിയില്‍ വ്യക്തമാക്കുന്നത്. ഇതേത്തുടര്‍ന്ന് രാജു വാഴക്കാല പൊതുഭരണ(പൊളിറ്റിക്കല്‍) വകുപ്പ് ജോയിന്റ് സെക്രട്ടറിക്ക് അപ്പീല്‍ നല്‍കിയിരിക്കുകയാണ്. അടുത്തിടെ മുഖ്യമന്ത്രി പിണറായി വിജയന്‍ നടത്തിയ ഹെലികോപ്റ്റര്‍ യാത്ര വിവാദമായിരുന്നു.

  ......................................................................................................................                                                                          
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss