|    Sep 26 Tue, 2017 3:45 am
FLASH NEWS
Home   >  Kerala   >  

യുഡിഎഫിനെ ഉമ്മന്‍ചാണ്ടിയും ചെന്നിത്തലയും താനും നയിക്കും: സുധീരന്‍

Published : 4th January 2016 | Posted By: swapna en

 

SUDHEERANകാസര്‍കോഡ്: നിയമസഭാ തിരഞ്ഞെടുപ്പില്‍ യുഡിഎഫിനെ മുഖ്യമന്ത്രി ഉമ്മന്‍ചാണ്ടിയും ആഭ്യന്തര മന്ത്രി രമേശ് ചെന്നിത്തലയും താനും നയിക്കുമെന്ന് കെപിസിസി പ്രസിഡന്റ് വി എം സുധീരന്‍ പറഞ്ഞു.

കാസര്‍കോഡ് പ്രസ് ക്ലബ്ബിന്റെ മീറ്റ് ദി പ്രസ്സില്‍ സംസാരിക്കുകയായിരുന്നു അദ്ദേഹം. കോണ്‍ഗ്രസ്സിലെ വെടിനിര്‍ത്തലിന് ശേഷം പാര്‍ട്ടിയിലെ ഐക്യം ശക്തമായിട്ടുണ്ട്. രാജ്യത്തിന്റെ മതേതര പൈതൃകം മോഡി ഭരണത്തിന്റെ തണലില്‍ തകര്‍ക്കാനാണ് സംഘപരിവാര്‍ ശ്രമിക്കുന്നത്. അസഹിഷ്ണുത പുലര്‍ത്തി വര്‍ഗ്ഗീയ വല്‍ക്കരണത്തിനാണ് ശ്രമം. സിപിഎം വര്‍ഗ്ഗീയ ഫാസിസത്തിനെതിരേ നടത്തുന്ന പോരാട്ടം യാഥാര്‍ത്ഥ്യമാവണമെങ്കില്‍ കോണ്‍ഗ്രസ്സിനെ പിന്തുണയ്ക്കണം. കേരളത്തില്‍ വെള്ളാപ്പള്ളി പുതിയ മുഖം നല്‍കി വര്‍ഗ്ഗീയ ധ്രൂവീകരണം നടത്തുന്ന ദല്ലാളായി പ്രവര്‍ത്തിക്കുകയാണ്. അദ്ദേഹം രൂപീകരിച്ച പാര്‍ട്ടിക്ക് ജനം സ്വാധീനം ഇല്ലാതെ ഒറ്റപ്പെട്ടു കെടിക്കുകയാണ്. അക്രമരാഷ്ട്രീയത്തിനെതിരേയുള്ള ഏത് ശ്രമത്തെയും കോണ്‍ഗ്രസ്സ് പിന്തുണയ്ക്കും. സര്‍ക്കാരിന്റെ മദ്യനയം ഏറ്റവും വലിയ അംഗീകാരമാണ്. ഇന്നു വൈകിട്ട് കുംബളയില്‍ നിന്ന് കെപിസിസി പ്രസിഡന്റ് നയിക്കുന്ന ജനരക്ഷായാത്ര മുഖ്യമന്ത്രി ഉദ്ഘാടനം ചെയ്യും. ആഭ്യന്തര മന്ത്രി രമേശ് ചെന്നിത്തല അധ്യക്ഷത വഹിക്കും.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക