|    Oct 16 Tue, 2018 2:39 am
FLASH NEWS
Home   >  Todays Paper  >  Page 1  >  

യുഎസ് വിദേശകാര്യ സെക്രട്ടറിയെ പുറത്താക്കി

Published : 14th March 2018 | Posted By: kasim kzm

വാഷിങ്ടണ്‍: യുഎസ് കാബിനറ്റില്‍ പ്രസിഡന്റ് ഡോണള്‍ഡ് ട്രംപ് നടത്തിയ അഴിച്ചുപണിയില്‍ സ്‌റ്റേറ്റ് സെക്രട്ടറി റെക്‌സ് ടില്ലേഴ്‌സണ്‍ പുറത്ത്. ടില്ലേഴ്‌സണ് പകരം സിഐഎ ഡയറക്ടര്‍ മൈക്ക് പോംപിയെ തല്‍സ്ഥാനത്തു നിയമിക്കാനാണ് തീരുമാനമെന്നും വൈറ്റ് ഹൗസ് അറിയിച്ചു. എക്‌സോണ്‍ മൊബില്‍ മേധാവിയായിരുന്ന ടില്ലേഴ്‌സണ്‍ ഒരു വര്‍ഷത്തെ സേവനത്തിനൊടുവിലാണ് സ്ഥാനഭ്രഷ്ടനാവുന്നത്.
മൈക് പോംപിക്ക് പകരമായി സിഐഎ മേധാവിസ്ഥാനത്തേക്ക് നിലവിലെ സിഐഎ ഡെപ്യൂട്ടി ഡയറക്ടര്‍ ജിന ഹാസ്‌പെല്‍ നിയമിതയാവും. ഈ സ്ഥാനത്തെത്തുന്ന ആദ്യവനിതയാവും ഇവര്‍. തീരുമാനത്തെക്കുറിച്ച് ടില്ലേഴ്‌സണ്‍ പ്രതികരിച്ചിട്ടില്ല.
നയതന്ത്ര രംഗത്ത് ട്രംപുമായുള്ള ഭിന്നതയാണ് ടില്ലേഴ്‌സന്റെ കസേര തെറിപ്പിച്ചതെന്നാണ് നിഗമനം. ഉത്തരകൊറിയന്‍ നേതാവ് കിം ജോങ് ഉന്നുമായി  ചര്‍ച്ചകള്‍ തുടങ്ങാനിരിക്കെയാണ് പുതിയ മാറ്റമെന്നതും ശ്രദ്ധേയമാണ്.

                                                                           
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക


Top stories of the day
Dont Miss