|    Jul 24 Mon, 2017 4:22 am
FLASH NEWS
Home   >  Todays Paper  >  page 9  >  

യുഎസ്: മയക്കുമരുന്ന് കുത്തിവച്ചുള്ള മരണത്തില്‍ റെക്കോഡ് വര്‍ധന

Published : 20th December 2015 | Posted By: SMR

വാഷിങ്ടണ്‍: അമേരിക്കയില്‍ മയക്കുമരുന്ന് ഉയര്‍ന്ന അളവില്‍ കുത്തിവച്ചുള്ള മരണത്തില്‍ റെക്കോഡ് വര്‍ധനയെന്നു പഠനം. കഴിഞ്ഞ വര്‍ഷം മാത്രം 47,000ലധികം പേര്‍ ഇത്തരത്തില്‍ മരണപ്പെെട്ടന്ന് സെന്റര്‍ ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ (സിഡിസി) പുറത്തുവിട്ട പഠന റിപോര്‍ട്ടില്‍ ചൂണ്ടിക്കാട്ടുന്നു.
മുന്‍ വര്‍ഷങ്ങളെ അപേക്ഷിച്ച് ഏഴു ശതമാനം വര്‍ധനയുണ്ടായെന്നാണ് കഴിഞ്ഞദിവസം പുറത്തുവിട്ട പഠന റിപോര്‍ട്ടില്‍ പറയുന്നത്. മയക്കുമരുന്ന് കുത്തിവച്ചു മരിച്ചവരില്‍ 61 ശതമാനംപേരും ഹെറോയിന്‍ ആണ് ഉപയോഗിച്ചത്. ഹെറോയിന്‍ ലഭിക്കാന്‍ ബുദ്ധിമുട്ടായതിനാല്‍ നിരവധിപേര്‍ വേദനസംഹാരികള്‍ അമിത അളവില്‍ ഉപയോഗിച്ച് മരണം വരിച്ചതായി റിപോര്‍ട്ടില്‍ പറയുന്നു. മയക്കുമരുന്ന് കുത്തിവച്ചുള്ള മരണത്തില്‍ അമേരിക്കയിലെ 14 സംസ്ഥാനങ്ങളില്‍ വര്‍ധനയുണ്ടായിട്ടുണ്ട്. എല്ലാ പ്രായക്കാരും പുരുഷന്‍മാരും സ്ത്രീകളും മയക്കുമരുന്ന് കുത്തിവച്ച് ജീവിതം അവസാനിപ്പിച്ചിട്ടുണ്ട്. പടിഞ്ഞാറന്‍ വിര്‍ജീനിയയിലാണ് കൂടുതല്‍ മരണങ്ങളും നടന്നതെന്നും റിപോര്‍ട്ട് ചൂണ്ടിക്കാട്ടുന്നു.
മയക്കുമരുന്നിന്റെ അമിത ഉപയോഗം തടയുന്നതില്‍ രാജ്യത്തെ ആരോഗ്യവിദഗ്ധരും സുരക്ഷാ ഉദ്യോഗസ്ഥരും ജാഗ്രത പാലിക്കണമെന്നും റിപോര്‍ട്ടില്‍ ആവശ്യപ്പെടുന്നുണ്ട്.

                                                                               
വായനക്കാരുടെ അഭിപ്രായങ്ങള്‍ താഴെ എഴുതാവുന്നതാണ്. മംഗ്ലീഷ് ഒഴിവാക്കി മലയാളത്തിലോ ഇംഗ്ലീഷിലോ എഴുതുക. ദയവായി അവഹേളനപരവും വ്യക്തിപരമായ അധിക്ഷേപങ്ങളും അശ്ലീല പദപ്രയോഗങ്ങളും ഒഴിവാക്കുക .വായനക്കാരുടെ അഭിപ്രായ പ്രകടനങ്ങള്‍ക്കോ അധിക്ഷേപങ്ങള്‍ക്കോ അശ്ലീല പദപ്രയോഗങ്ങള്‍ക്കോ തേജസ്സ് ഉത്തരവാദിയായിരിക്കില്ല.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക